পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আয়ুষ্মান ভাৰতৰ আঠ বছৰ সম্পূৰ্ণ হোৱা উপলক্ষে ইয়াৰ সাফল্যৰ ওপৰত আলোকপাত কৰে।

প্ৰধানমন্ত্ৰীয়ে কয় যে প্ৰতিজন ভাৰতীয়ই উচ্চ মানৰ আৰু সুলভ স্বাস্থ্যসেৱা লাভ কৰা উচিত- এই ধাৰণাৰে আঠ বছৰ পূৰ্বে এই আঁচনিখন আৰম্ভ কৰা হৈছিল। তেওঁ উল্লেখ কৰে যে আজি ৬০ কোটিৰো অধিক হিতাধিকাৰীয়ে বাৰ্ষিক ৫ লাখ টকাৰ স্বাস্থ্য সুবিধা লাভ কৰিছে, যাৰ জৰিয়তে ই বিশ্বৰ সৰ্ববৃহৎ স্বাস্থ্যসেৱা আঁচনি হিচাপে পৰিগণিত হৈছে। শ্ৰী মোদীয়ে লগতে কয় যে এই পদক্ষেপে চিকিৎসা ব্যয়ৰ ক্ষেত্ৰত অভিলেখ পৰিমাণৰ ধন ৰাহি কৰিবলৈ সক্ষম কৰিছে, যাৰ ফলত দৰিদ্ৰ আৰু মধ্যবিত্ত শ্ৰেণী উপকৃত হৈছে।

প্ৰধানমন্ত্ৰীয়ে গুৰুত্ব আৰোপ কৰি কয় যে স্বাস্থ্যসেৱা প্ৰতিটো পৰিয়ালৰ ওচৰলৈ গৈ আছে আৰু আয়ুষ্মান আৰোগ্য মন্দিৰসমূহলৈ ইতিমধ্যে ৫০০ কোটিৰো অধিক আগমন নথিভুক্ত হৈছে, যিয়ে তৃণমূল পৰ্যায়ত প্ৰাথমিক স্বাস্থ্যসেৱাক শক্তিশালী কৰি তুলিছে। তেওঁ আয়ুষ্মান ভাৰতৰ সকলো হিতাধিকাৰীক শুভেচ্ছা জ্ঞাপনো কৰে।

এক্সৰ এটা পোষ্টত প্ৰধানমন্ত্ৰীয়ে শ্বেয়াৰ কৰিছেঃ

‘আঠ বছৰ পূৰ্বে আয়ুষ্মান ভাৰত এইটো ধাৰণাৰে আৰম্ভ কৰা হৈছিল যে প্ৰতিগৰাকী ভাৰতীয়ই উচ্চ মানৰ আৰু সুলভ স্বাস্থ্যসেৱা লাভ কৰা উচিত।

আজি ৬০ কোটিৰো অধিক হিতাধিকাৰীয়ে বাৰ্ষিক ৫ লাখ টকাৰ স্বাস্থ্য সুবিধা লাভ কৰিছে, যাৰ জৰিয়তে ই বিশ্বৰ সৰ্ববৃহৎ স্বাস্থ্যসেৱা আঁচনি হিচাপে পৰিগণিত হৈছে।

ইয়ে চিকিৎসা ব্যয়ৰ ক্ষেত্ৰত অভিলেখ পৰিমাণৰ ধন ৰাহি কৰিবলৈ সক্ষম কৰিছে, যাৰ ফলত দৰিদ্ৰ আৰু মধ্যবিত্ত শ্ৰেণী উপকৃত হৈছে।

স্বাস্থ্যসেৱা প্ৰতিটো পৰিয়ালৰ ওচৰলৈ গৈ আছে। আয়ুষ্মান আৰোগ্য মন্দিৰসমূহলৈ ইতিমধ্যে ৫০০ কোটিৰো অধিক আগমন নথিভুক্ত হৈছে, যিয়ে তৃণমূল পৰ্যায়ত প্ৰাথমিক স্বাস্থ্যসেৱাক শক্তিশালী কৰি তুলিছে।

আয়ুষ্মান ভাৰতৰ সকলো হিতাধিকাৰীক মোৰ শুভেচ্ছা জনালো।

#8YearsOfAyushmanBharat’

Eight years ago, Ayushman Bharat was rolled out with the idea that every Indian should have access to top-quality and affordable healthcare.

Today, more than 60 crore beneficiaries have access to Rs. 5 lakh annual health cover, making it the largest healthcare scheme in the… https://t.co/K7bWTRNlLM

— Narendra Modi (@narendramodi) September 23, 2026

****

MJPS/SS/PRK/HS