Search

বাতৰি সংযোজন

বিষয়বস্তু পি আই বিৰ পৰা স্বয়ংক্ৰিয় ভাৱে সংগৃহীত

প্ৰধানমন্ত্ৰীয়ে ভিডিঅ’ কনফাৰেন্সযোগে শুভাৰম্ভ কৰিলে বাহাদুৰগড়-মুণ্ডকা মেট্ৰো লাইন


প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সযোগে বাহাদুৰগড়-মুণ্ডকা মেট্ৰো ৰে’ল লাইনৰ শুভাৰম্ভ কৰে।
দিল্লী মেট্ৰো ৰে’লৰ এই নতুন অংশ আৰম্ভ কৰাৰ বাবে হাৰিয়ানা আৰু দিল্লীবাসীক অভিনন্দন জনাই তেওঁ কয় যে দিল্লী মেট্ৰো ৰে’লেৰে বাহাদুৰগড়ক সংযোগ কৰাক লৈ তেওঁ সুখ অনুভৱ কৰিছে।

হাৰিয়ানাত গুৰুগ্ৰাম আৰু ফৰিদাবাদৰ পাছত এইদৰে মেট্ৰো ৰে’লেৰে সংযোগ কৰা বাহাদুৰগড় হৈছে তৃতীয়টো স্থান।
মেট্ৰো ৰে’লে দিল্লীৰ নাগৰিকসকলৰ জীৱনত কেনে ইতিবাচক প্ৰভাৱ পেলাইছে সেই সন্দৰ্ভত প্ৰধানমন্ত্ৰীয়ে ভাষণত উল্লেখ কৰে। বাহাদূৰগড়ে অৰ্থনৈতিকভাৱে ব্যাপক অগ্ৰগতি লাভ কৰা বুলি সদৰি কৰি প্ৰধানমন্ত্ৰীয়ে কয় যে তাত কেইবাটাও শৈক্ষিক প্ৰতিষ্ঠান আছে আৰু তাৰ শিক্ষাৰ্থীসকলে দিল্লীলৈ অহা-যোৱা কৰে। তেনে ক্ষেত্ৰত এই মেট্ৰো ৰে’ল অধিক সুবিধাজনক হ’ব বুলি তেওঁ লগতে কয়।

শ্ৰী নৰেন্দ্ৰ মোদীয়ে কয় যে যোগাযোগ আৰু উন্নয়নৰ মাজত প্ৰত্যক্ষ যোগসুত্ৰ আছে। তেওঁ কয় মেট্ৰো ৰে’লে এই অঞ্চলটোৰ লোকসকলৰ বাবে সংস্থাপনৰ পথো মুকলি কৰিব।

প্ৰধানমন্ত্ৰীয়ে কয় যে কেন্দ্ৰীয় চৰকাৰে মেট্ৰো চহৰসমূহক লৈ এটা নীতি গ্ৰহণ কৰিছে, যাৰ দ্বাৰা সমগ্ৰ দেশত একীকৃত আৰ মানসম্পন্ন মেট্ৰো ৰে’ল নেটৱৰ্ক গঢ়ি তুলিব পৰা যায়। আমাৰ চহৰসমূহত নগৰ পৰিবহণ ব্যৱস্থাত উপযোগী নিৰ্মাণ, আৰামদায়ক আৰু সুলভ কৰাটোৱেই ইয়াৰ উদ্দেশ্য বুলি তেওঁ কয়। তদুপৰি, ইয়াৰ লক্ষ্য হৈছে ‘মেক ইন ইণ্ডিয়া’ৰ অধীনত ভাৰতে নিজেই মেট্টো ৰে’লৰ দবা নিৰ্মাণ কৰা।

প্ৰধানমন্ত্ৰীয়ে কয় যে মেট্টো ব্যৱস্থাটোৰ নিৰ্মাণ প্ৰক্ৰিয়া আকৌ সহযোগিতামুলক যুক্তৰাষ্টীয় ব্যৱস্থাৰ সৈতে জড়িত। যদিও মেট্ৰোসমূহ ভাৰতত নিৰ্মাণ কৰি থকা হৈছে, তথাপি কেন্দ্ৰ আৰু সংশ্লিষ্ট ৰাজ্য চৰকাৰসমূহে একেলগেই কাম কৰি আছে বুলিও তেওঁ লগতে কয়।

কেৱল নিউ ইণ্ডিয়াই নহয়, ভাৰতক নতুন আৰু স্মাৰ্ট আন্তঃগাঁথনিৰ প্ৰয়োজন বুলি উল্লেখ কৰি প্ৰধানমন্ত্ৰীয়ে কয় যে কেন্দ্ৰীয় চৰকাৰে পথ পৰিবহণ, ৰে’লৱে, ঘাইপথ, বিমামপথ, জলপথ আৰু আই-ৱেৰ দিশত কাম কৰি আছে। যোগাযোগ ব্যৱস্থাৰ লগতে উন্নয়নমুলক প্ৰকল্পবোৰ সময়মতে নিৰ্মাণকাৰ্য শেষ কৰাৰ ক্ষেত্ৰত গুৰুত্ব আৰোপ কৰা হৈছে বুলি প্ৰধানমন্ত্ৰীয়ে লগতে কয়।

******

AKT/HS/DB