পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি কুৱেইটৰ শ্বেইখ ছাদ আল-আব্দুল্লাহ ইনড’ৰ ক্ৰীড়া প্ৰকল্পত এক বিশেষ অনুষ্ঠান ‘হালা মোদী’ ত ভাৰতীয় সম্প্ৰদায়ৰ এক বৃহৎ সমাৱেশক সম্বোধন কৰে। কুৱেইটৰ বিভিন্ন শ্ৰেণীক প্ৰতিনিধিত্ব কৰা ভাৰতীয় নাগৰিকসকলে এই অনুষ্ঠানত অংশগ্ৰহণ কৰিছিল।

প্ৰধানমন্ত্ৰীক এই লোকসকলে আন্তৰিকতা আৰু উৎসাহেৰে আদৰণি জনায়। সমাৱেশত সম্বোধন কৰি প্ৰধানমন্ত্ৰীয়ে উল্লেখ কৰে যে ভাৰত-কুৱেইটৰ সম্পৰ্ক ভাৰতীয় সম্প্ৰদায়ৰ দ্বাৰা গভীৰভাৱে সমৃদ্ধ হৈছে, যিয়ে দুয়োখন ৰাষ্ট্ৰৰ মাজৰ সম্পৰ্ক গঢ়ি তোলাত এক গুৰুত্বপূৰ্ণ ভূমিকা পালন কৰে। কুৱেইটৰ মহামান্য আমিৰক তেওঁৰ অনুগ্ৰহপূৰ্ণ আমন্ত্ৰণৰ বাবে ধন্যবাদ জনাই তেওঁ কয় যে ৪৩ বছৰৰ পিছত এজন ভাৰতীয় প্ৰধানমন্ত্ৰীয়ে যুগ যুগৰ বন্ধুত্ব শক্তিশালী আৰু দৃঢ় কৰিবলৈ কুৱেইট ভ্ৰমণ কৰিছে।

প্ৰধানমন্ত্ৰীয়ে কুৱেইটৰ উন্নয়নত এই সম্প্ৰদায়টোৰ কঠোৰ পৰিশ্ৰম, কৃতিত্ব আৰু অৱদানক প্ৰশংসা কৰে, যাক তেওঁ কয় যে স্থানীয় চৰকাৰ আৰু সমাজে ব্যাপকভাৱে স্বীকৃতি দিছে। তেওঁ ভাৰতীয় সম্প্ৰদায়ৰ কল্যাণৰ বাবে কুৱেইটৰ নেতৃত্বক ধন্যবাদ জ্ঞাপন কৰে। কুৱেইট আৰু উপসাগৰৰ আন ঠাইত ভাৰতীয় শ্ৰমিকসকলক সমৰ্থন কৰাৰ ক্ষেত্ৰত ভাৰতৰ দৃঢ় প্ৰতিশ্ৰুতিবদ্ধতাৰ কথা উল্লেখ কৰি তেওঁ ই-মাইগ্ৰেট প’ৰ্টেলৰ দৰে চৰকাৰে গ্ৰহণ কৰা প্ৰযুক্তিভিত্তিক পদক্ষেপৰ বিষয়ে আলোচনা কৰে।

প্ৰধানমন্ত্ৰীয়ে বিশ্বৰ বন্ধু হিচাপে “বিশ্ববন্ধু” ভাৰতৰ দৃষ্টিভংগীৰ কথা উল্লেখ কৰে। তেওঁ বিশেষকৈ প্ৰযুক্তি, আন্তঃগাঁথনি আৰু বহনক্ষমতাৰ ক্ষেত্ৰত ভাৰতৰ দ্ৰুত প্ৰগতি আৰু পৰিৱৰ্তনৰ বিষয়ে বিশদভাৱে উল্লেখ কৰে। তেওঁ কয় যে বিশ্বৰ পঞ্চম সৰ্ববৃহৎ অৰ্থনীতি হোৱাৰ উপৰি ভাৰত ফিনটেকৰ ক্ষেত্ৰত বিশ্বৰ আগশাৰীৰ দেশ, ষ্টাৰ্ট-আপৰ ক্ষেত্ৰত তৃতীয় সৰ্ববৃহৎ গোলকীয় প্ৰতিযোগী আৰু বিশ্বজুৰি আটাইতকৈ ডিজিটেলভাৱে সংযুক্ত সমাজসমূহৰ ভিতৰত অন্যতম। তেওঁ বিত্তীয় অন্তৰ্ভুক্তি, মহিলা নেতৃত্বাধীন উন্নয়ন আৰু অন্তৰ্ভুক্তিমূলক বিকাশৰ দৰে সাফল্যৰ ওপৰত আলোকপাত কৰে। দুয়োখন দেশৰ বিকশিত ভাৰত আৰু নিউ কুৱেইটৰ উমৈহতীয়া আকাংক্ষাৰ কথা উল্লেখ কৰি তেওঁ ভাৰত আৰু কুৱেইটৰ বাবে একেলগে কাম কৰাৰ বৃহৎ সুযোগ আছে বুলি উল্লেখ কৰে। ভাৰতৰ দক্ষতা ক্ষমতা আৰু উদ্ভাৱনে দুয়োখন দেশৰ মাজত নতুন অংশীদাৰিত্ব গঢ়ি তুলিব পাৰে।

প্ৰধানমন্ত্ৰীয়ে ২০২৫ চনৰ জানুৱাৰীত ভাৰতত অনুষ্ঠিত হ’বলগীয়া প্ৰবাসী ভাৰতীয় দিৱস আৰু মহা কুম্ভত অংশগ্ৰহণ কৰিবলৈ প্ৰবাসী ভাৰতীয়সকলক আমন্ত্ৰণ জনায়।

***

MJPS/SR/MK