পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি ৮০ সংখ্যক স্বাধীনতা দিৱস উপলক্ষ্যে লালকিল্লাৰ প্ৰাচীৰৰ পৰা দেশবাসীক সম্বোধন কৰে। বন্দে মাতৰমৰ ১৫০ বছৰ উদযাপনৰ সময়ত সমগ্ৰ দেশৰ প্ৰতিখন  হৃদয়  আৰু ঘৰে ত্ৰিৰংগৰ মনোভাৱ তথা  নতুন সংকল্প  অনুৰণিত হোৱাৰ কথাটোলৈ  লক্ষ্য কৰি তেওঁ সকলোকে আন্তৰিক শুভেচ্ছা জনায়। শ্ৰী মোদীয়ে মন্তব্য কৰে যে ত্যাগৰ মহান পৰম্পৰাক জাগ্ৰত কৰা সকলো স্বাধীনতা সংগ্ৰামী আৰু মহান বিপ্লৱীক মই শ্ৰদ্ধাৰে প্ৰণাম জনাইছো।

শেহতীয়া ভয়াৱহ বানপানী আৰু ভূমিস্খলনত ক্ষতিগ্ৰস্ত নাগৰিকসকলৰ প্ৰতি  গভীৰ সহমৰ্মিতা প্ৰকাশ কৰি প্ৰধানমন্ত্ৰীয়ে তেওঁলোকক এই কষ্টকৰ সময়ত দেশৰ  অটল সমৰ্থনৰ আশ্বাস দিয়ে। শ্ৰী মোদীয়ে দৃঢ়তাৰে কয় যে ক্ষতিগ্ৰস্ত পৰিয়ালসমূহক মই আশ্বাস দিছো যে তেওঁলোকৰ দুখ আৰু যন্ত্ৰণাত আমি আৰু সমগ্ৰ দেশ তেওঁলোকৰ সৈতে দৃঢ়তাৰে থিয় দিছে।

জাতীয় মহানতাৰ মূল নীতিসমূহৰ বিষয়ত গুৰুত্ব আৰোপ কৰি প্ৰধানমন্ত্ৰীয়ে দৃঢ়তাৰে কয় যে প্ৰকৃত সাফল্য তেতিয়াহে লাভ কৰা হয় যেতিয়া এখন দেশে নিজৰ আকাংক্ষা আৰু শক্তিশালী সামৰ্থ্যৰ ওপৰত নিৰ্ভৰ কৰে। শ্ৰী মোদীয়ে লক্ষ্য কৰে যে যিকোনো দেশ তেতিয়া  মহান হয় আৰু নিজৰ লক্ষ্যত উপনীত হয় যেতিয়া ই নিজৰ সপোন আৰু সংকল্পৰ বিশুদ্ধ শক্তিৰে আগবাঢ়ি যায়। ৰাষ্ট্ৰীয় দিগন্ত সম্প্ৰসাৰিত  কৰা বিস্তৃত দৃষ্টিভংগীৰ বাবে  সৰু সৰু সপোন  পৰিত্যাগ কৰিবলৈ নাগৰিকসকলক আহ্বান জনাই প্ৰধানমন্ত্ৰীয়ে ব্যাখ্যা কৰে যে দৃঢ় সংকল্পই স্বাভাৱিকতে সংকটৰ মাজেৰে যাত্ৰা কৰাৰ শক্তিৰ সৃষ্টি কৰে। শ্ৰী মোদীয়ে পৰ্যবেক্ষণ কৰে যে যেতিয়া সংকল্প দৃঢ় হয়, তেতিয়া দুৰ্যোগৰ মাজেৰে পথ বিচাৰি উলিওৱাৰ ক্ষমতা স্বয়ংক্ৰিয়ভাৱে উদয় হয়। উচ্চাকাংক্ষা আৰু বাস্তৱায়িত সামৰ্থ্যৰ মাজৰ প্ৰত্যক্ষ সম্পৰ্কৰ বিষয়ে বিশদভাৱে উল্লেখ কৰি প্ৰধানমন্ত্ৰীয়ে  কয় যে ডাঙৰ সপোনে ৰাষ্ট্ৰীয় প্ৰচেষ্টাৰ সামগ্ৰিক পৰিসৰ আৰু নিৰপেক্ষ উচ্চতাক  বৃদ্ধি কৰে। শ্ৰী মোদীয়ে লক্ষ্য কৰে যে যেতিয়া সপোন আৰু সংকল্প ডাঙৰ হয়, তেতিয়া আমাৰ সামৰ্থ্যৰ উচ্চতাও বৃদ্ধি পায়।  জাতীয় দৃষ্টিভংগীৰ কথা ঘোষণা কৰি প্ৰধানমন্ত্ৰীয়ে ২০৪৭ চনৰ ভিতৰত দেশখনক সম্পূৰ্ণ উন্নত ৰাষ্ট্ৰলৈ ৰূপান্তৰিত কৰাৰ দৃঢ় সংকল্পৰ কথা কয়  , যাৰ ফলত বিশ্বই ভাৰতৰ অপৰিসীম সাহস তথা সামৰ্থ্যক স্বীকৃতি দিবলৈ বাধ্য হৈছে। শ্ৰী মোদীয়ে দৃঢ়তাৰে কয় যে ১৪০ কোটি দেশবাসীৰ কঠোৰ পৰিশ্ৰমেৰে স্বাধীনতাৰ ১০০ বছৰৰ  ভিতৰত আমি নিশ্চিতভাৱে বিকশিত ভাৰত গঢ়িম। সকলো জনগাঁথনিগত খণ্ডৰ সামূহিক নিষ্ঠাৰ কথা  স্বীকাৰ কৰি প্ৰধানমন্ত্ৰীয়ে বিগত ১২ বছৰত মানৱ সবলীকৰণ আৰু অৰ্থনৈতিক পৰিৱৰ্তনৰ বিষয়ত  এখন বিস্তৃত ৰিপৰ্ট কাৰ্ড দাঙি ধৰে, য’ত ২৫ কোটি নাগৰিকে দৰিদ্ৰতাক পৰাস্ত কৰাৰ লগতে  ভাৰতে ‘ফ্ৰেজিল ফাইভ’ৰ পৰা দ্ৰুতগতিত বৃদ্ধি পোৱা বৃহৎ অৰ্থনীতিলৈ পৰিৱৰ্তিত হোৱাৰ কথা উল্লেখ আছে। শ্ৰী মোদীয়ে দৃঢ়তাৰে কয় যে দেশখনক নতুন উচ্চতালৈ লৈ যোৱাৰ বাবে প্ৰতিজন নাগৰিকে সম্পূৰ্ণ নিষ্ঠাৰে সকলো প্ৰচেষ্টা চলাইছে।

প্ৰধানমন্ত্ৰীয়ে অতীতৰ হেৰুৱা সুযোগসমূহৰ বিষয়তো আলোকপাত কৰে,  য’ত গতিৰ  অভাৱে বিশ্ব স্থবিৰতাৰ সৃষ্টি কৰিছিল, প্ৰধানমন্ত্ৰীয়ে গতিৰ নাটকীয় পৰিৱৰ্তনৰ কথা উল্লেখ কৰি   এই কথাত গুৰুত্ব আৰোপ কৰে যে জনসাধাৰণৰ সামূহিক সংকল্প এতিয়া অনিৰুদ্ধ হৈ পৰিছে। শ্ৰী মোদীয়ে লক্ষ্য কৰে যে ভাৰতে এক অবিশ্বাস্য নতুন গতি লাভ কৰিছে, আৰু এতিয়া ১৪০ কোটি দেশবাসীৰ সামৰ্থ্য ৰুদ্ধ  কৰাটো অসম্ভৱ।

বিগত ১২ বছৰত উৎপাদন, ডিজিটেল বৃদ্ধি, আৰু নাগৰিকক সুবিধা প্ৰদানৰ ক্ষেত্ৰত ভাৰতৰ অগ্ৰগতিৰ বিশদ বিৱৰণ দাঙি ধৰি প্ৰধানমন্ত্ৰীয়ে আলোকপাত কৰে যে প্ৰতিৰক্ষা উৎপাদন প্ৰায় ৪ গুণ বৃদ্ধি পাইছে, খাদী আৰু গ্ৰাম্য উদ্যোগ ৫ গুণ বৃদ্ধি পাইছে, ইলেক্ট্ৰনিকছ উৎপাদন প্ৰায় ৭ গুণ বৃদ্ধি পাইছে, ৰে’লৱে দবাৰ উৎপাদন ২১ গুণ বৃদ্ধি পাইছে আৰু মোবাইল ফোনৰ উৎপাদন ৩৩ গুণ বৃদ্ধি পাইছে । ডিজিটেল উদ্ভাৱনত ইণ্টাৰনেট গ্ৰাহক ৪ গুণ বৃদ্ধি পাইছে, পেটেণ্ট ৪ গুণ বৃদ্ধি পাইছে আৰু ডিজিটেল লেনদেন ১০০ গুণ বৃদ্ধি পাইছে। আনহাতে টেপৰ পানীৰ সংযোগৰ জৰিয়তে মৌলিক সুবিধাসমূহ ত্বৰান্বিত কৰা হৈছে,  যিয়ে ১৫ গুণ দ্ৰুতগতিত এনে যোগান ধৰিছে, এল পি জি সংযোগ ৬ গুণ দ্ৰুতগতিত সম্প্ৰসাৰিত হৈছে, শৌচাগাৰ ৪ গুণ দ্ৰুতভাৱে নিৰ্মাণ হৈছে, পকা ঘৰ ৩ গুণ দ্ৰুতভাৱে নিৰ্মাণ হৈছে আৰু শ শ অচল আইন হ’ল বিলুপ্ত কৰা হৈছে। শ্ৰী মোদীয়ে দৃঢ়তাৰে কয় যে যেতিয়া ইমানবোৰ বৃহৎ সাফল্য আমাৰ সন্মুখত থাকে, তেতিয়া বিকশিত ভাৰত হোৱাৰ সংকল্প কেতিয়াও অসম্পূৰ্ণ হৈ থাকিব নোৱাৰে। শক্তিশালী আত্মনিৰ্ভৰশীলতা আৰু জাতীয় গৌৰৱৰ নিৰপেক্ষ প্ৰয়োজনীয়তাৰ বিষয়ত  গুৰুত্ব আৰোপ কৰি প্ৰধানমন্ত্ৰীয়ে সস্তীয়া বিদেশী আমদানিৰ ওপৰত নিৰ্ভৰশীল হোৱাৰ ধাৰণাটোক দৃঢ়তাৰে নাকচ কৰে। ইয়াৰ পৰিৱৰ্তে তেওঁ এনে পদক্ষেপৰ পোষকতা কৰে যিয়ে সক্ৰিয়ভাৱে শক্তিশালী ঘৰুৱা সামৰ্থ্য গঢ়ি তোলে। শ্ৰী মোদীয়ে দৃঢ়তাৰে কয় যে আমি পদ্ধতিগতভাৱে নিজৰ সামৰ্থ্য বৃদ্ধি কৰিব লাগিব আৰু নিজেই নিজৰ স্বাৰ্থ নিৰাপদভাবে  সুৰক্ষিত কৰিব লাগিব।

দেশৰ দ্ৰুত প্ৰযুক্তিগত উত্থান আৰু আত্মনিৰ্ভৰশীলতাৰ উদাহৰণ দি প্ৰধানমন্ত্ৰীয়ে অৰ্ধপৰিবাহীৰ   বিশ্বজোৰা গুৰুত্বৰ বিষয়ত  আলোকপাত কৰি এই বিষয়ত  অগ্ৰগতিৰ তথ্য  দাঙি ধৰে। তেওঁ গৌৰৱেৰে ঘোষণা কৰে যে তিনিটা ঘৰুৱা অৰ্ধপৰিবাহী উদ্যোগ ইতিমধ্যে কাৰ্যক্ষম হৈ আছে আৰু বিশ্বৰ বজাৰলৈ চিপ ৰপ্তানি কৰিছে, একে সময়তে ১ৰ পৰা ২ বছৰৰ ভিতৰত ৭ৰ পৰা ৮টা নতুন উৎপাদন প্ৰকল্প কাৰ্যক্ষম হ’ব বুলিও তেওঁ  ঘোষণা কৰে। শ্ৰী মোদীয়ে দৃঢ়তাৰে কয় যে আত্মনিৰ্ভৰশীল ভাৰতে আমাক বিকশিত ভাৰতৰ দিশত দ্ৰুতগতিত আগবাঢ়ি যাবলৈ পথ দেখুৱাইছে। সম্পদৰ সুৰক্ষাৰ কৌশলগত প্ৰয়োজনীয়তাৰ বিষয়ত  আলোকপাত কৰি প্ৰধানমন্ত্ৰীয়ে বাজেটত ঘোষণা কৰা ৰাষ্ট্ৰীয় জটিল খনিজ অভিযান আৰু জটিল খনিজ কৰিডৰৰ আৰম্ভণিৰ বিষয়ে বিতংভাৱে উল্লেখ কৰে। তেওঁ  কয়  যে   আন্তঃৰাষ্ট্ৰীয় চুক্তিসমূহে ভাৰতক বিশ্বজুৰি  বিশ্বাসযোগ্য অংশীদাৰ হিচাপে প্ৰতিষ্ঠা কৰিছে। “বিশ্বৰ বহু দেশে এতিয়া এই জটিল খনিজসমূহৰ কৌশলগত দিশত ভাৰতক দৃঢ়ভাৱে বিশ্বাস কৰিবলৈ আৰম্ভ কৰিছে,” শ্ৰী মোদীয়ে কয়।

প্ৰযুক্তিগত উন্নতিৰ সৈতে শক্তিৰ আকাশলংঘী চাহিদাৰ সম্পৰ্কৰ কথা বাখ্যা কৰি  প্ৰধানমন্ত্ৰীয়ে  শান্তি(SHANTI) আইনৰ অধীনত উল্লেখনীয়  শক্তি সংস্কাৰৰ বিষয়ত আলোকপাত কৰে আৰু ফাষ্ট ব্ৰীডাৰ নিউক্লিয়াৰ টেকন’লজিৰে  ৬ৰ পৰা ৭ বছৰৰ ভিতৰত ৫টা নতুন ৰিয়েক্টৰ কাৰ্যক্ষম কৰি ২০৪৭ চনৰ ভিতৰত ১০০ জি ৱাট পাৰমাণৱিক শক্তি  ক্ষমতাৰ লক্ষ্য নিৰ্ধাৰণ কৰা বুলি  ঘোষণা কৰে। শ্ৰী মোদীয়ে দৃঢ়তাৰে কয় যে আমি সফলতাৰে গুৰুত্বপূৰ্ণ পাৰমাণৱিক ইন্ধনত সম্পূৰ্ণ স্বাৱলম্বী হোৱাৰ সঠিক দিশত এক অতি ডাঙৰ পদক্ষেপ গ্ৰহণ কৰিছো।

ৰাষ্ট্ৰীয় সম্পদ অন্বেষণত গুৰুতৰভাৱে বাধাৰ সৃষ্টি কৰা পূৰ্বৰ  নিষেধাজ্ঞামূলক নীতিসমূহক সমালোচনা কৰি প্ৰধানমন্ত্ৰীয়ে ঘৰুৱা তেল আৰু গেছ উন্নয়নৰ  আৰ্হিৰ পৰিৱৰ্তনৰ  বিষয়ত আলোকপাত কৰে। উপকূলৰ ৯৯% অংশ ‘ন’-গ’ এৰিয়া’ৰ পৰা ‘গ’ এহেড এৰিয়া’লৈ পৰিৱৰ্তন কৰা আৰু নতুন শক্তিৰ সন্ধানৰ বাবে ৮৫,০০০ কোটি টকাৰ সমুদ্ৰ মন্থন পদক্ষেপেৰে  বিস্তৃত অফশ্ব’ৰ কাৰ্য্যকলাপ আৰম্ভ কৰাৰ কথাও তেওঁ উল্লেখ কৰে।  শ্ৰী মোদীয়ে দৃঢ়তাৰে কয় যে আমি সেই অঞ্চলসমূহ নিৰ্ণায়কভাৱে মুকলি কৰিছো আৰু এতিয়া সাগৰৰ ভিতৰত বৃহৎ নতুন অঞ্চল বিচাৰি উলিওৱাৰ দিশত অগ্ৰসৰ হৈছো।

বিকল্প শক্তি আন্তঃগাঁথনিৰ দ্ৰুত সম্প্ৰসাৰণৰ বিষয়ত  আলোকপাত কৰি প্ৰধানমন্ত্ৰীয়ে ১২ বছৰীয়া বৃহৎ মাইলৰ খুঁটি আৰু পূৰ্বৰ  স্থবিৰতাৰ ছবি খনৰ কথা  উল্লেখ কৰি কয় যে চিটি গেছ বিতৰণ ৭০ খন চহৰৰ পৰা ৭০০ খন  চহৰলৈ সম্প্ৰসাৰিত কৰা  হৈছে, পাইপেৰে যোগান ধৰা  ৰন্ধন গেছ ১.৭৫ কোটি পৰিয়ালত উপনীত হৈছে, আৰু সৌৰ ক্ষমতা ২ জিডব্লিউৰ পৰা ১৬০ জিডব্লিউলৈ বৃদ্ধি পাইছে। শ্ৰী মোদীয়ে পৰ্যবেক্ষণ কৰে যে পাইপ গেছ নেটৱৰ্ক বাৰ বছৰত ৭০ খন  চহৰৰ পৰা ৭০০ খন  চহৰলৈ সম্প্ৰসাৰণ কৰাটোৱে  প্ৰকৃত গতিকেই প্ৰতিফলিত কৰিছে।  নবীকৰণযোগ্য শক্তিৰ জৰিয়তে মধ্যবিত্ত শ্ৰেণীক প্ৰদান কৰা প্ৰত্যক্ষ অৰ্থনৈতিক লাভৰ বিশদ বিৱৰণ দাঙি ধৰি প্ৰধানমন্ত্ৰীয়ে প্ৰধানমন্ত্ৰী সূৰ্য্য ঘৰ মুফট বিজলী আঁচনিৰ দ্ৰুত সফলতা তথা বিনামূলীয়া সৌৰ বিদ্যুৎ আঁচনিখনে প্ৰতিটো পৰিয়ালক ৮০ হাজাৰ টকা পৰ্যন্ত আৰ্থিক সাহায্য প্ৰদান কৰি ৫০ লাখ পৰিয়ালক বিদ্যুতৰ বিল ফলপ্ৰসূভাৱে শূন্যলৈ হ্ৰাস কৰাত সহায় কৰা বুলি কয়।  উদ্বৃত্ত শক্তি বিক্ৰীৰ  জৰিয়তে অতিৰিক্ত আয়ৰ সৃষ্টি কৰাৰ কথাও  তেওঁ  উল্লেখ কৰে । শ্ৰী মোদীয়ে লক্ষ্য কৰে যে অতিৰিক্ত বিদ্যুৎ বিক্ৰী কৰি আজি হাজাৰ হাজাৰ ঘৰে উপাৰ্জন কৰিছে আৰু আমি এই বৃহৎ কামটো দ্ৰুতগতিত  কৰিছো।

ৰে’ল আন্তঃগাঁথনিৰ আধুনিক দক্ষতাৰ সৈতে  থকা ঐতিহাসিক স্থবিৰতাৰ বিপৰীতে প্ৰধানমন্ত্ৰীয়ে উল্লেখ কৰে যে পূৰ্বৰ নীতিসমূহে ৯০ বছৰত মাত্ৰ ৩০ শতাংশ বৈদ্যুতিকৰণহে  কৰিছিল, আনহাতে বৰ্তমানৰ চৰকাৰে মাত্ৰ এটা দশকতে নেটৱৰ্কব্যাপী কভাৰেজ লাভ কৰিছে  আৰু  ব্যাপক পৰিৱেশগত সুবিধা প্ৰদান কৰিছে। শ্ৰী মোদীয়ে দৃঢ়তাৰে কয়, “আমি এই এটা দশকৰ ভিতৰতে বৈদ্যুতিকৰণৰ ১০০ শতাংশ কাম সম্পূৰ্ণ কৰিলোঁ আৰু এনেদৰে  সফলতাৰে আমদানিকৃত ডিজেল ৰাহি কৰিলোঁ।”

ভৱিষ্যতৰ ইন্ধনৰ ক্ষেত্ৰত এক বৃহৎ অগ্ৰগতিৰ কথা ঘোষণা কৰি প্ৰধানমন্ত্ৰীয়ে আলোকপাত কৰে যে ভাৰতে প্ৰথমখন মেড-ইন-ইণ্ডিয়া হাইড্ৰ’জেন ৰে’ল চলোৱাৰ কাম আৰম্ভ কৰিছে, যিখন  বিশ্বৰ আটাইতকৈ দীঘল আৰু শক্তিশালী হাইড্ৰ’জেন ৰে’ল হিচাপে বিকশিত কৰা হৈছে। শ্ৰী মোদীয়ে দৃঢ়তাৰে কয় যে বিশ্বৰ হাইড্ৰজেন ৰে’লৰ ক্ষেত্ৰত ভাৰতে গৌৰৱেৰে আৰু দৃঢ়তাৰে নিজৰ পতাকা উৰুৱাবলৈ সক্ষম হৈছে।

২০৪৭ চনৰ উন্নয়নমূলক লক্ষ্যৰ দিশত কৰা যাত্ৰা আৰু ইউক্ৰেইন তথা  পশ্চিম এছিয়াৰ যুদ্ধ,  ক’ভিড মহামাৰী আৰু ভূ-ৰাজনৈতিক সংঘাতৰ দৰে ভয়াৱহ বিশ্বজনীন সংকটৰ কথা উল্লেখ  কৰি প্ৰধানমন্ত্ৰীয়ে  এনে পৰিস্থিতো ভাৰতৰ  স্থিতিস্থাপকতাক প্ৰশংসা কৰে আৰু  উৰাবাতৰি বিয়পোৱা প্ৰৱঞ্চকসকলক তীব্ৰ সমালোচনা কৰি গৌৰৱেৰে উল্লেখ কৰে যে সক্ৰিয় পৰিকল্পনা আৰু শক্তিশালী প্ৰস্তুতিয়ে এনে সময়তো সম্পূৰ্ণ ঘৰুৱা স্থিতিশীলতা নিশ্চিত কৰিছে। শ্ৰী মোদীয়ে দৃঢ়তাৰে কয় যে দেশখনে স্পষ্টভাৱে দেখিছে যে আমাৰ সুচিন্তিত পৰিকল্পনাই ফলাফল কঢ়িয়াই আনিছে আৰু আজি আমি নিজৰ ক্ষমতাৰ ওপৰত সম্পূৰ্ণ শক্তিশালীভাৱে থিয় দিছো।

দেশৰ কৃষকসকলক ভয়াৱহ বিশ্ব অৰ্থনৈতিক জোকাৰণিৰ পৰা ৰক্ষা কৰাৰ ক্ষেত্ৰত চৰকাৰে গ্ৰহণ কৰা  সক্ৰিয় ভূমিকাৰ বিষয়ত  আলোকপাত কৰি প্ৰধানমন্ত্ৰীয়ে উল্লেখ কৰে যে চৰকাৰে আন্তঃৰাষ্ট্ৰীয় মূল্যৰ ৩,০০০ টকীয়া ইউৰিয়া বেগ  ৩০০ টকাতকৈ কম মূল্যত আৰু ৫,০০০ টকাৰ ওপৰত ব্যয় কৰা ডিএপি ১,৩৫০ টকাত  যোগান ধৰিবলৈ সক্ষম হৈছে। শ্ৰী মোদীয়ে দৃঢ়তাৰে কয় –  আমি দেশৰ কৃষকসকলক সেই বৃহৎ বোজা বহন কৰিবলৈ বাধ্য কৰোৱা নাই, চৰকাৰে সেই বোজা বহন কৰিছে। আত্মনিৰ্ভৰশীলতাৰ সমালোচকসকলক আওকাণ কৰি প্ৰধানমন্ত্ৰীয়ে এক বৃহৎ বিশ্বজোৰা  আৰ্হি পৰিৱৰ্তনৰ বিষয়টো  পৰ্যবেক্ষণ কৰে,  য’ত দেশসমূহে অত্যাৱশ্যকীয় সম্পদসমূহক ক্ৰমান্বয়ে  সজ্জিত কৰি তুলিছে, যিটো কথা যোৱা দশকত শক্তিশালী ঘৰুৱা স্থিতিস্থাপকতা গঢ়ি তোলাৰ বাবে নিতান্তই প্ৰয়োজনীয় বুলি  প্ৰমাণ হৈছে । শ্ৰী মোদীয়ে মন্তব্য কৰে যে যদি আমি আত্মনিৰ্ভৰশীলতাৰ শক্তিশালী মন্ত্ৰ গ্ৰহণ কৰি সঠিক দিশত দৃঢ়ভাৱে আগবাঢ়িব নোৱাৰিলোহেঁতেন তেন্তে আমি কেনেকৈ শক্তিশালীভাৱে এনে বৃহৎ প্ৰত্যাহ্বানৰ সন্মুখীন হ’লোহেঁতেন। দেশৰ  ক্ৰমবৰ্ধমান আন্তঃৰাষ্ট্ৰীয় সন্মান  এক সুস্থিৰ ৰাজনৈতিক আদেশ আৰু সজীৱ গণতন্ত্ৰৰ  ফল বুলি উল্লেখ কৰি প্ৰধানমন্ত্ৰীয়ে আলোকপাত কৰে যে এই স্বীকৃতিৰ বাবেই   ২০১৪ চনৰ পিছত প্ৰায় ৪০খন দেশৰ সৈতে মুক্ত বাণিজ্য চুক্তিৰ সফলতাৰে সম্পন্ন হৈছে।  যাৰ ফলত কৃষি, মীন, বস্ত্ৰশিল্প, আৰু এমএছএমইৰ বাবে  ব্যাপক ৰপ্তানিৰ সুযোগ মুকলি হৈছে। শ্ৰী মোদীয়ে  কয় যে আজি ভাৰত দ্ৰুতগতিত সমগ্ৰ বিশ্বৰ বাবে অতি গ্ৰহণযোগ্য আৰু গভীৰভাৱে সন্মানিত দেশ হিচাপে পৰিগণিত হৈছে। ঘৰুৱা উদ্যোগসমূহক  আন্তঃৰাষ্ট্ৰীয় বাণিজ্যৰ সুযোগসমূহ দখল কৰিবলৈ আহ্বান জনাই প্ৰধানমন্ত্ৰীয়ে লুধিয়ানা আৰু তিৰুপুৰৰ পৰা আৰম্ভ কৰি উপকূলীয় সাগৰীয় খাদ্যৰ কেন্দ্ৰলৈকে ভাৰতীয় সামগ্ৰীসমূহৰ বাবে গুণগত মান আৰু সামগ্ৰিক ব্যয়সাধ্যতাৰ ক্ষেত্ৰত আন্তঃৰাষ্ট্ৰীয় পৰিমাপসমূহ অতিক্ৰম কৰি বিশ্ব বজাৰত আধিপত্য বিস্তাৰ কৰিবলৈ কয় । শ্ৰী মোদীয়ে দৃঢ়তাৰে কয় যে আমি বৰ্তমান বিশ্বৰ পৰা যিখিনি পাইছো তাতোকৈ উন্নত আৰু কম খৰচী সামগ্ৰী আমি   দিব পাৰিব  লাগিব।  শ্ৰী মোদীয়ে লক্ষ্য কৰে যে আমাৰ দেশবাসীয়ে দেখুওৱা অবিশ্বাস্য সামৰ্থ্যৰ মাজত এক বিকশিত ভাৰতৰ লক্ষ্য গভীৰভাৱে শিপাই আছে।

ৰাষ্ট্ৰীয় কৰ্ম সংস্কৃতি, চিন্তাধাৰা আৰু নিষ্পাদনৰ গতিৰ আমূল পৰিৱৰ্তনৰ কথা উল্লেখ কৰি প্ৰধানমন্ত্ৰীয়ে কয় যে  যোৱা দশকবোৰত ভয়াৱহভাৱে স্থবিৰ হৈ পৰা কাম  পাঁচৰ পৰা সাত বছৰৰ ভিতৰত সম্পন্ন কৰাৰ বাবে এক  লক্ষ্য নিৰ্ধাৰণ কৰিছিল, দেশৰ কঠোৰ পৰিশ্ৰমী কৰ্মশক্তিৰ ওপৰত অপৰিসীম আস্থা প্ৰকাশ কৰিছিল। শ্ৰী মোদীয়ে দৃঢ়তাৰে কয় যে, “মই মোৰ দেশৰ যুৱ শক্তি, মাতৃ, ভগ্নী, কৃষক  আৰু শ্ৰমিকসকলকলৈ গভীৰভাৱে বিশ্বাস কৰোঁ যে আমি একেলগে এই ভৱিষ্যৎ সপোন নিশ্চিতভাৱে বাস্তৱায়িত কৰিব পাৰিম।”

গাঁথনিগত পৰিৱৰ্তনৰ প্ৰতি প্ৰশাসনৰ অদম্য দায়বদ্ধতাৰ কথা  পুনৰবাৰ উল্লেখ কৰি প্ৰধানমন্ত্ৰীয়ে স্পষ্ট কৰি দিয়ে যে ব্যাপক শাসন আৰু প্ৰশাসনিক অভাৰহ’লসমূহ বাহ্যিক বাধ্যবাধকতাৰ পৰিৱৰ্তে গভীৰ আভ্যন্তৰীণ প্ৰত্যয়ৰ দ্বাৰা কঠোৰভাৱে পৰিচালিত হয়, সমবায় ফেডাৰেলিজমৰ বাবে স্পষ্ট জনাই তেওঁ কেন্দ্ৰ, ৰাজ্য আৰু সমাজে একত্ৰিত হৈ পৰৱৰ্তী পৰ্যায়ৰ সংস্কাৰক আগুৱাই লৈ যাব বুলি কয়। শ্ৰী মোদীয়ে দৃঢ়তাৰে কয় যে আমাৰ এই সংস্কাৰ  হৈছে এক  প্ৰত্যয় আৰু আমি অনাগত দিনত পৰৱৰ্তী পৰ্যায়ৰ সংস্কাৰৰ দিশত আগবাঢ়িবলৈ ওলাইছো।

সপ্ত সিন্ধুৰ প্ৰাচীন সভ্যতাৰ শক্তিৰ কথা উল্লেখ কৰি   প্ৰধানমন্ত্ৰীয়ে এক শক্তিশালী নতুন কৌশলগত কাঠামো ঘোষণা কৰে।  পৰিৱৰ্তনশীল সপ্তধাৰা বা সপ্ত শক্তিৰ বিষয়ে উল্লেখ  কৰি তেওঁ কয় যে যুৱক-যুৱতীসকলৰ অপৰিসীম সামৰ্থ্যক সম্পূৰ্ণৰূপে ব্যৱহাৰ কৰি এই সাতটা গতিশীল শক্তিৰ ধাৰাই দেশক অভূতপূৰ্ব উচ্চতালৈ আগুৱাই নিব। শ্ৰী মোদীয়ে প্ৰতিশ্ৰুতি দিয়ে যে সেই সাতটা ধাৰাৰ কৌশলগত  সামৰ্থ্য আৰু শক্তিৰে আমি দেশখনক এক নতুন উচ্চতালৈ লৈ যাব পাৰিম  তথা  নতুন গতি প্ৰদান কৰিম।

‘উৎপাদন শক্তি’ক গুৰুত্বপূৰ্ণ প্ৰথম ধাৰা হিচাপে চিনাক্ত কৰি প্ৰধানমন্ত্ৰীয়ে সম্পূৰ্ণ ঘৰুৱা মূল্য শৃংখলত সৰু উপাদান আৰু বৃহৎ চূড়ান্ত সামগ্ৰী উভয়ৰে উৎপাদন খণ্ডটোৰ  সম্প্ৰসাৰণৰ বাবে আহ্বান জনায়। সামগ্ৰীৰ শূন্য-দোষ,  নিখুঁততা, খৰচৰ দক্ষতা আৰু বিশ্বজুৰি  পৰিসৰ তথা গুণগত মানৰ প্ৰতি আপোচবিহীন প্ৰতিশ্ৰুতিৰ বিষয়ত  মনোনিৱেশ কৰিবলৈ তেওঁ আহ্বান জনায়। শ্ৰী মোদীয়ে দৃঢ়তাৰে কয় যে ডিজাইনৰ পৰা সম্পূৰ্ণ উৎপাদনলৈকে ভাৰত  বিশ্বৰ যোগান শৃংখলৰ এক অতি নিৰ্ভৰযোগ্য কেন্দ্ৰ হ’ব লাগিব। ‘কৃষি আৰু খাদ্য প্ৰক্ৰিয়াকৰণ’ক দ্বিতীয় ধাৰা হিচাপে নিৰ্ধাৰণ কৰি প্ৰধানমন্ত্ৰীয়ে ৰাসায়নিক মুক্ত কৃষিৰ পোষকতা কৰে।  তেওঁ পৰম্পৰাগত ভাৰতীয় খাদ্যসমূহ   বিশ্ব বজাৰলৈ নিৰৱচ্ছিন্নভাৱে ৰপ্তানি কৰিবলৈ  যোগান শৃংখলৰ দিশত ব্যাপক পদক্ষেপ গ্ৰহণৰ আহ্বান জনায়। শ্ৰী মোদীয়ে দৃঢ়তাৰে কয় যে আমাৰ কৃষিজাত সামগ্ৰীয়ে প্ৰতিটো বিশ্ব  পৰিমাপ সফলতাৰে পূৰণ কৰিব লাগিব , যাতে আমি বিশ্বৰ বজাৰত  সহজে উপনীত হ’ব পাৰো আৰু আধিপত্য বিস্তাৰ কৰিব পাৰো।

‘প্ৰযুক্তি আৰু উদ্ভাৱন’ক গুৰুত্বপূৰ্ণ তৃতীয় ধাৰা হিচাপে আলোকপাত কৰি প্ৰধানমন্ত্ৰীয়ে  কয় যে ভাৰত কেৱল বিশ্বৰ বাবে  বজাৰ হোৱাটোৰ কথাটোক  অতিক্ৰম কৰি এআই, কোৱাণ্টাম কম্পিউটিং, মহাকাশ, উন্নত ৰবটিক্স, ডিজিটেল পাব্লিক ইনফ্ৰাষ্ট্ৰাকচাৰ (ডিপিআই) আৰু মেড-ইন-ইণ্ডিয়া ৬জিৰ দৰে অত্যাধুনিক ক্ষেত্ৰসমূহৰ উদ্ভাৱনৰ চূড়ান্ত কেন্দ্ৰ হ’ব লাগিব। শ্ৰী মোদীয়ে  কয় যে আমাৰ লক্ষ্য দৃঢ়  হ’ব লাগিব যে ‘মেড ইন ইণ্ডিয়া’ ৬জিয়ে প্ৰতিটো চুকত উপনীত হওক  আৰু আমি ইয়াক অধিক দ্ৰুত কৰিব লাগিব। ‘গতি শক্তি’ক অপৰিহাৰ্য চতুৰ্থ ধাৰা হিচাপে  উল্লেখ কৰি প্ৰধানমন্ত্ৰীয়ে তীব্ৰবেগী ৰে’ল, আধুনিক ঘাইপথ, অভ্যন্তৰীণ জলপথ  আৰু বন্দৰসমূহক বন্দৰ নেতৃত্বাধীন উন্নয়ন বৃদ্ধিৰ অতি গতিশীল কেন্দ্ৰলৈ ৰূপান্তৰিত কৰি নিৰৱচ্ছিন্ন বহুমুখী লজিষ্টিক সৃষ্টিৰ বাবে  আন্তঃগাঁথনিগত পদক্ষেপ গ্ৰহণৰ আহ্বান জনায়। শ্ৰী মোদীয়ে কয় যে আমি আমাৰ বন্দৰসমূহক বৃহৎ বন্দৰ নেতৃত্বাধীন উন্নয়ন বৃদ্ধিৰ কৌশলগত দিশত আগুৱাই নিব লাগিব। ‘প্ৰতিৰক্ষা শক্তি’ক গুৰুত্বপূৰ্ণ পঞ্চম ধাৰা হিচাপে শ্ৰেণীভুক্ত কৰি প্ৰধানমন্ত্ৰীয়ে ড্ৰ’ন, কাউণ্টাৰ ড্ৰ’ন ব্যৱস্থা, হাইপাৰছ’নিককে ধৰি পৰৱৰ্তী প্ৰজন্মৰ প্ৰযুক্তিৰ ৰপ্তানিৰে ভাৰত আগশাৰীৰ বিশ্ব যোগানকাৰী হোৱাৰ লক্ষ্যত উপনীত হোৱাৰ বিষয়ত জোৰ দিয়ে। তেওঁ কৌশলগত আত্মনিৰ্ভৰশীলতাক ৰাষ্ট্ৰীয় অগ্ৰাধিকাৰ হিচাপে ঘোষণা কৰে। শ্ৰী মোদীয়ে দৃঢ়তাৰে কয় যে আমি প্ৰতিৰক্ষা প্ৰযুক্তিৰ এক বৃহৎ বিশ্বজোৰা  যোগানকাৰী হোৱাৰ দৃঢ় লক্ষ্যৰে আগবাঢ়িব লাগিব।

চাইবাৰ সুৰক্ষাক ৰাষ্ট্ৰীয় প্ৰতিৰক্ষাৰ এক অবিচ্ছেদ্য অংশ হিচাপে অভিহিত  কৰি প্ৰধানমন্ত্ৰীয়ে ভাৰতীয় যুৱক-যুৱতীসকলৰ অপৰিসীম ডিজিটেল সামৰ্থ্যৰ  ব্যৱহাৰেৰে   দেশৰ ডিজিটেল সীমান্ত আৰু বিশ্বব্যাপী চাইবাৰ পৰিৱেশ দুয়োটাকে  সুৰক্ষিত কৰাৰ বিষয়ত গুৰুত্ব আৰোপ কৰে। শ্ৰী মোদীয়ে কয় যে আমি চাইবাৰ সুৰক্ষাৰ ক্ষেত্ৰত আমাৰ যুৱক-যুৱতীসকলৰ  সামৰ্থ্যক দেশ আৰু বিশ্বৰ  সুৰক্ষাৰ বাবে সক্ৰিয়ভাৱে ব্যৱহাৰ কৰিব পাৰো। ‘সেউজ আৰু নীলা অৰ্থনীতি’ক বহনক্ষম ষষ্ঠ ধাৰা হিচাপে উল্লেখ  কৰি প্ৰধানমন্ত্ৰীয়ে ভাৰতক জলবায়ু পৰিৱৰ্তনৰ ক্ষেত্ৰত সক্ৰিয় বিশ্বজনীন সমস্যা সমাধানকাৰী হিচাপে কয় , সেউজ হাইড্ৰজেন, নবীকৰণযোগ্য শক্তি, শক্তি সংৰক্ষণৰ জৰিয়তে বহনক্ষম সম্প্ৰসাৰণ, আৰু বিস্তৃত  চাকৰিৰ সৃষ্টিৰ বাবে সাগৰ, সামুদ্ৰিক সম্ভাৱনা তথা উপকূলীয় পৰ্যটনৰ ব্যাপক বিকাশৰ বিষয়ত তেওঁ গুৰুত্ব কৰে। শ্ৰী মোদীয়ে  কয় যে যেতিয়া বিশ্বই গোলকীয় উষ্ণতাৰ বিষয়ে আলোচনা কৰি থাকে, আমি ইয়াৰ  উপায় বিচাৰি থাকোঁ আৰু সঠিক  সমাধান আগবঢ়াই থাকোঁ।

ভাৰতৰ ‘কোমল শক্তি’ক সপ্তম ধাৰা হিচাপে চিনাক্ত কৰি প্ৰধানমন্ত্ৰীয়ে যোগক এক ঐক্যবদ্ধ বিশ্ব শক্তি হিচাপে  অভিহিত কৰে। ভাৰতৰ ঐতিহ্য আয়ুৰ্বেদ আৰু পৰ্যটনৰ লগতে ভিএফএক্স, এনিমেচন, গেমিং, আৰু ৱেভছ শীৰ্ষ সন্মিলনকে ধৰি সৃষ্টিশীল অৰ্থনীতিত দিয়া  নেতৃত্বৰ শলাগ লয়।   শ্ৰী মোদীয়ে দৃঢ়তাৰে কয় যে ভাৰতে সৃষ্টিশীল জগতৰ ভিতৰত নিজৰ অবিশ্বাস্য আধিপত্য সক্ৰিয়ভাৱে দেখুৱাব পাৰে আৰু আমি ইয়াক এক বিশ্বজোৰা সামৰ্থ্য হিচাপে বিকশিত কৰিব লাগিব।

ভাৰতৰ বন্যপ্ৰাণী আৰু ৰাষ্ট্ৰীয় উদ্যানৰ বৃহৎ অনাবৃত সম্ভাৱনাৰ কথা  স্বীকাৰ কৰি প্ৰধানমন্ত্ৰীয়ে বিশ্বৰ পৰ্যটকক আকৰ্ষণ কৰি আৰু অতি লাভজনক, বৃহৎ পৰিসৰৰ কনচাৰ্ট অৰ্থনীতিৰ সমান্তৰালভাৱে আন্তঃৰাষ্ট্ৰীয় ক্ৰীড়া অনুষ্ঠানসমূহক সংগঠিত কৰি এই কোমল শক্তিৰ পৰা  লাভ অৰ্জন কৰিবলৈ সকলোকে  আহ্বান জনায়। শ্ৰী মোদীয়ে কয় যে আমাৰ কোমল শক্তিৰ জৰিয়তে বিশ্বৰ পৰ্যটকক  আকৰ্ষণ কৰাৰ এক বৃহৎ সুযোগ আছে আৰু আমি সাহসেৰে বিশ্বক আমাৰ সামৰ্থ্য দেখুৱাব লাগিব। এই সাতটা শক্তিশালী ধাৰাৰ কৌশলগত উদ্দেশ্যৰ সাৰাংশ দাঙি ধৰি প্ৰধানমন্ত্ৰীয়ে এই কথাত গুৰুত্ব আৰোপ কৰে যে ৰাষ্ট্ৰীয় উচ্চাকাংক্ষা পূৰণ আৰু বিশ্বজোৰা মান  অতিক্ৰম কৰিবলৈ বিচ্ছিন্ন খণ্ডগত অগ্ৰগতিৰ পৰিৱৰ্তে এক  সমন্বিত,   দৃষ্টিভংগীৰ প্ৰয়োজন। শ্ৰী মোদীয়ে  কয় যে সামগ্ৰিক দৃষ্টিভংগীৰে আমি দেশক  নিৰ্ধাৰণ কৰা অভিলাষী লক্ষ্যত উপনীত কৰিব লাগিব। দেশৰ কৰ্পৰেট উচ্চাকাংক্ষাক প্ৰত্যাহ্বান জনাই প্ৰধানমন্ত্ৰীয়ে  কয় যে বিশ্ব ৰেংকিঙত ভাৰতৰ আধিপত্যৰ লক্ষ্যণীয় হৈ পৰিছে। তেওঁ  চৰকাৰসমূহক লক্ষ্যত উপনীত হ’বলৈ নিজৰ নীতিসমূহ দ্ৰুতভাৱে আধুনিকীকৰণ কৰিবলৈ আহ্বান জনায়, য’ত ফৰ্চুন ৫০০, শীৰ্ষ স্তৰৰ গ্ল’বেল বেংক, বিশ্বৰ শীৰ্ষ পাঁচটাৰ ভিতৰত ফাৰ্মা জায়ান্ট , প্ৰিমিয়াৰ গ্ল’বেল লিডাৰশ্বিপ, ৰেটিং, কনচালটিং, একাউণ্টিং, আৰু প্ৰযুক্তি প্ৰতিষ্ঠান আদি আছে। শ্ৰী মোদীয়ে কয় যে এই পথত আগবাঢ়োতে  আমাৰ কঠোৰ পৰিশ্ৰমৰ  কোনো অভাৱ নাৰাখি আমি নিশ্চিতভাৱে বিকশিত ভাৰতৰ বিশাল সপোন অতিক্ৰম কৰিব পাৰিম।

যুৱক-যুৱতীসকলক জাতীয় পৰিৱৰ্তনৰ কেন্দ্ৰত ৰাখি  প্ৰধানমন্ত্ৰীয়ে ভাৰতীয় যুৱক-যুৱতীসকল এই দ্ৰুত অগ্ৰগতিৰ প্ৰাথমিক স্থপতি আৰু চূড়ান্ত হিতাধিকাৰী বুলি অভিহিত কৰে।  তেওঁ  এই কথাত গুৰুত্ব আৰোপ কৰে যে উন্নত দেশৰ  দিশত  যাত্ৰা কৰোতে ।যুৱক-যুৱতীসকল  অবিচ্ছেদ্যভাৱে জড়িত হ’ব লাগিব। শ্ৰী মোদীয়ে কয় যে আমি  এখন বিকশিত ভাৰতৰ লক্ষ্যক আমাৰ সৰ্বোচ্চ অগ্ৰাধিকাৰ হিচাপে  গ্ৰহণ কৰাৰ লগতে  যুৱক-যুৱতীসকলক  ইয়াৰ সৈতে  সংযোগ কৰি আগুৱাই যাব  লাগিব।

যোৱা দশকত ঘৰুৱা ষ্টাৰ্টআপ ২.৫ লাখলৈ  বৃদ্ধি হোৱাৰ প্ৰসংগ উল্লেখ কৰি প্ৰধানমন্ত্ৰীয়ে ১ লাখ কোটি টকাৰ গৱেষণা আৰু উদ্ভাৱন পুঁজিৰ দৰে অতুলনীয় সম্পদ, সুলভ মূল্যৰ ডিজিটেল তথ্যৰ বৈপ্লৱিক প্ৰভাৱ, আৰু স্কিল ইণ্ডিয়া, খেলো ইণ্ডিয়া, ৰাষ্ট্ৰীয় ড্ৰোন নীতি, ২০২০কে ধৰি সক্ৰিয় কাঠামোৰ দ্বাৰা পৰিচালিত যুৱ সবলীকৰণৰ পদক্ষেপৰ বিষয়ত আলোকপাত কৰে। তেওঁ  ৩৫ বছৰৰ পিছত প্ৰৱৰ্তন কৰা ঐতিহাসিক ৰাষ্ট্ৰীয় শিক্ষা নীতি ২০২০ৰ কথাও উল্লেখ কৰে । শ্ৰী মোদীয়ে কয় যে আপোনালোকে  আপোনালোকৰ বিশাল সপোনবোৰ লৈ ফুৰিছে, আমি আৰ্থিক সহায়ৰ এক শক্তিশালী ব্যৱস্থা গঢ়ি তুলিছো আৰু  এইক্ষেত্ৰত সম্পদৰ অভাৱ হ’বলৈ  নিদিওঁ। শক্তিশালী শৈক্ষিক আন্তঃগাঁথনিৰ  সম্প্ৰসাৰণৰ বিশদ বিৱৰণ দাঙি ধৰি  প্ৰধানমন্ত্ৰীয়ে অতীতৰ মন্থৰ গতিৰ কথা উল্লেখ কৰে। ।২০০৪ চনৰ পৰা ২০১৪ চনৰ ভিতৰত আমাৰ দেশত ৩৫০ খনতকৈও কম বিশ্ববিদ্যালয় আছিল; তথাপিও আজি মাত্ৰ ১০–১২ বছৰৰ ভিতৰতে প্ৰায় ৬৫০খন নতুন বিশ্ববিদ্যালয় সংযোজন কৰা হৈছে। আমি ১০০০ৰ নিৰ্দিষ্ট সীমাৰ কাষ চাপিছো। ২০১৪ চনৰ আগতে চিকিৎসাৰ আসন আছিল মাত্ৰ ৪০০ খন; আজি সেই সংখ্যা প্ৰায় ৮৫০ লৈ বৃদ্ধি পাইছে। ১০,০০০ৰো অধিক ‘অটল টিংকাৰিং লেব’ অৰ্পণ কৰিছো, তেওঁলোকক উদ্ভাৱন আৰু প্ৰযুক্তিৰ সৈতে জড়িত হ’বলৈ উৎসাহিত কৰিছো। আমি অসংখ্য পথ মুকলি কৰিছো আৰু ষ্টাৰ্টআপৰ বাবে সুযোগ সৃষ্টি কৰিছো। আপোনালোকে হয়তো প্ৰত্যক্ষ কৰিছে যে ভাৰতীয় যুৱক-যুৱতীসকলে—তেওঁলোকৰ গড় বয়স মাত্ৰ ২৮ বছৰ—কেনেকৈ প্ৰথম প্ৰচেষ্টাতে উপগ্ৰহ আৰু ৰকেট সফলতাৰে নিক্ষেপ কৰি বিশ্বত প্ৰথম স্থান লাভ কৰিছে; সঁচাকৈয়ে এয়া হৈছে এক উল্লেখযোগ্য কৃতিত্ব।

শ্ৰী মোদীয়ে কয়  যে আমাৰ দেশৰ যুৱ মনবোৰ যাতে শৈশৱৰ পৰাই প্ৰযুক্তিৰ প্ৰতি আকৰ্ষিত হয়, সেই দিশত আমি নিৰন্তৰ  কাম কৰি আছো।

উদীয়মান প্ৰযুক্তিবিদ্যাৰ ক্ষেত্ৰত বিশ্ব আধিপত্য নিশ্চিত কৰাৰ বাবে এক পদক্ষেপৰ কথা ঘোষণা কৰি প্ৰধানমন্ত্ৰীয়ে লালকিল্লাৰ পৰা এক বৃহৎ ঘোষণা কৰে যে আগন্তুক বছৰৰ ভিতৰত এক কোটি যুৱকক কৃত্ৰিম বুদ্ধিমত্তাৰ দক্ষতাৰ  আনুষ্ঠানিক  প্ৰশিক্ষণ দিয়া হ’ব। শ্ৰী মোদীয়ে দৃঢ়তাৰে কয় যে আমি এক কোটি যুৱকক এআই দক্ষতাৰ বাবে প্ৰশিক্ষণ দিবলৈ  কাম কৰিম যাতে আমাৰ যুৱক-যুৱতীসকলে এআইৰ জগতখনত নেতৃত্ব দিয়াৰ   সামৰ্থ্য অৰ্জন কৰে।

প্ৰধানমন্ত্ৰীয়ে উদীয়মান খণ্ডসমূহৰ বিষয়ত আলোকপাত কৰি  কয়   ২০১৪ চনত জৈৱ অৰ্থনীতিৰ উল্লেখনীয়  বৃদ্ধিৰ  কথা উল্লেখ কৰে।  তেওঁ কয় যে ২০১৪ চনৰ পূৰ্বে ৬০ হাজাৰ কোটি টকাৰ জৈৱ অৰ্থনীতি এতিয়া ২০ লাখ কোটি টকা হৈছেগৈ। ২০০৯-১০ চনৰ সময়ছোৱালৈ মন কৰকচোন: মাত্ৰ ১ লাখ ৫০ হাজাৰ ইলেক্ট্ৰিক বাহনহে বিক্ৰী হৈছিল—২০০৯-১০ চনত মাত্ৰ ১ লাখ ৫০ হাজাৰ। ইয়াৰ বিপৰীতে ২০২৫-২৬ বৰ্ষত ২৫ লাখ বৈদ্যুতিক বাহন বিক্ৰী হৈছে।

 শ্ৰী মোদীয়ে দৃঢ়তাৰে কয় যে, “চাওক, যেতিয়া নীতিসমূহ সঠিক হয় আৰু লক্ষ্য স্ফটিক স্বৰূপ হয়, তেতিয়া মোৰ দেশৰ যুৱক-যুৱতীসকলে কিমান অবিশ্বাস্যভাৱে সফলতাৰে কাম কৰে।”

গ্ৰাম্য শাসনৰ সমান্তৰালকৈ বিমান আৰু মহাকাশ খণ্ডৰ দ্ৰুত সম্প্ৰসাৰণৰ ওপৰত আলোকপাত কৰি প্ৰধানমন্ত্ৰীয়ে নতুন বিমান ৰক্ষণাবেক্ষণ কেন্দ্ৰৰ জৰিয়তে ব্যাপক নিয়োগ সৃষ্টি আৰু মেড-ইন-ইণ্ডিয়া চি-২৯৫ প্ৰতিৰক্ষা পৰিবহণ বিমানৰ সফল উৰণৰ কথা উল্লেখ কৰে।  লগতে ১৪০ লাখ কোটি টকাৰে ড্ৰ’ন চালিত স্বামীত্ব আঁচনিৰ অবিশ্বাস্য সফলতাক প্ৰশংসা কৰে ।হৈছে। স্বামীত্ব যোজনাৰ দ্বাৰা প্ৰায় ৩.২৫ কোটি পৰিয়াল উপকৃত হৈছে,ইয়াৰ ফলত তেওঁলোকে বেংকৰ ঋণ লাভ কৰিব পাৰে আৰু নিজাকৈ ব্যৱসায় আৰম্ভ কৰিব পাৰে।শ্ৰী মোদীয়ে লক্ষ্য কৰে যে ড্ৰ’নৰ বাবে গ্ৰাম্য সম্পত্তিৰ আঁচনিখন ব্যাপকভাৱে সফল হৈ উঠিছে, যাৰ ফলত অত্যাৱশ্যকীয় ঋণ আৰু ব্যৱসায়ৰ বাবে সম্পত্তিৰ মূল্য বহু পৰিমাণে মুকলি হৈছে।

মধ্যবিত্তীয় পৰিয়ালৰ ওপৰত প্ৰতিযোগিতামূলক পৰীক্ষাৰ ভয়াৱহ আৰ্থিক আৰু আবেগিক বোজা লাঘৱ কৰাৰ বাবে এক বৃহৎ নতুন পদক্ষেপৰ কথা  ঘোষণা কৰি প্ৰধানমন্ত্ৰীয়ে শক্তিশালী ডিজিটেল পাব্লিক ইনফ্ৰাষ্ট্ৰাকচাৰ (ডিপিআই) আৰু শীৰ্ষ শিক্ষকসকলৰ সহায় লৈ দেশজোৰা প্ৰতিযোগিতামূলক পৰীক্ষাৰ প্ৰশিক্ষণৰ নেটৱৰ্কৰ জৰিয়তে উচ্চমানৰ শৈক্ষিক সহায় আগবঢ়াই বিনামূলীয়া অনলাইন কোচিং আৰম্ভ  কৰাৰ কথা উল্লেখ কৰে। শ্ৰী মোদীয়ে দৃঢ়তাৰে কয় যে সেই বৃহৎ সম্পদসমূহক একত্ৰিত কৰি আমি যুৱক-যুৱতীসকলক একেবাৰে বিনামূলীয়া প্ৰশিক্ষণ প্ৰদান কৰিবলৈ এক সম্পূৰ্ণ শক্তিশালী নেটৱৰ্ক গঢ়ি তুলিবলৈ ওলাইছো। ট’পছ আঁচনি আৰু খেলো ইণ্ডিয়াৰ দৰে অতি কৌশলগত তৃণমূল পৰ্যায়ৰ পদক্ষেপৰ জৰিয়তে বিশ্ব ক্ৰীড়া ক্ষেত্ৰখনত ভাৰতৰ বৰ্ধিত আধিপত্যৰ প্ৰসংগত প্ৰধানমন্ত্ৰীয়ে আন্তঃৰাষ্ট্ৰীয় মঞ্চত ত্ৰিৰংগাৰ বৰ্ধিত উপস্থিতি সগৌৰৱেৰে উল্লেখ কৰে।  ২০৩০ চনৰ কমনৱেলথ গেমছ আয়োজন কৰাৰ বাবে দেশৰ সাহসী প্ৰচেষ্টা আৰু ২০৩৬ অলিম্পিকৰ বাবে শক্তিশালী প্ৰাৰ্থীত্বৰ কথা প্ৰধানমন্ত্ৰীয়ে  দৃঢ়তাৰে কয়। শ্ৰী মোদীয়ে  কয় যে ক্ৰীড়া জগতত ভাৰতৰ প্ৰদৰ্শন ক্ৰমাগতভাৱে উন্নত হৈ আহিছে আৰু আমি অলিম্পিক আয়োজনৰ বাবে শক্তিশালী প্ৰতিদ্বন্দ্বী হিচাপে গৌৰৱেৰে আগবাঢ়িছো।

৫ৰ পৰা ১৫ বছৰ বয়সৰ শিশুসকলক লক্ষ্য কৰি নেচনৱাইড স্প’ৰ্টছ টেলেণ্ট হাণ্ট আৰম্ভ কৰি প্ৰধানমন্ত্ৰীয়ে প্ৰতিখন গাঁও আৰু বিদ্যালয়তে এক  তৃণমূল পৰ্যায়ৰ কৌশলৰ কথা ঘোষণা কৰে । যাতে সক্ৰিয়ভাৱে বিশ্ব প্ৰতিযোগিতাৰ বাবে ভৱিষ্যতৰ অলিম্পিক চেম্পিয়নসকলক  চিনাক্ত কৰিব পাৰি , প্ৰশিক্ষণ দিব পাৰি আৰু গঢ়ি  তুলিব পাৰি। শ্ৰী মোদীয়ে লক্ষ্য কৰে যে শিশুৰ প্ৰতিভা  চিনাক্ত কৰি তেওঁলোকক বিশেষ প্ৰশিক্ষণ দি তেওঁলোকক দেশৰ হৈ গৌৰৱেৰে খেলিব পৰা  খেলুৱৈ হিচাপে গঢ়ি তোলা হ’ব।

নিচাযুক্তদ্ৰব্যৰ অপব্যৱহাৰৰ ভয়াৱহ ৰাষ্ট্ৰীয় সংকটৰ  কথা উল্লেখ কৰি  প্ৰধানমন্ত্ৰীয়ে ড্ৰাগছমুক্ত ভাৰতক ভৱিষ্যত প্ৰজন্মৰ শক্তি সুৰক্ষিত কৰাৰ বাবে অতি প্ৰয়োজনীয় সামূহিক দায়িত্ব হিচাপে ঘোষণা কৰে।  প্ৰতিটো পৰিয়াল, বেচৰকাৰী সংস্থা, আৰু আধ্যাত্মিক সংগঠনৰ বাবে নিচা মুক্তি যুৱ অভিযানৰ অধীনত এক বিস্তৃত দেশজোৰা ড্ৰাগছ বিৰোধী অভিযানৰ বাবে তেওঁ স্পষ্ট আহ্বান জনায়। শ্ৰী মোদীয়ে দৃঢ়তাৰে কয় , “মই প্ৰতিটো পৰিয়ালক ক’ব বিচাৰো যে এই অভিযানত সক্ৰিয় অংশ হওক আৰু ড্ৰাগছমুক্ত ভাৰতৰ সপোন পূৰণৰ বাবে আগবাঢ়ি আহক।”

লাখ লাখ ভৱিষ্যত সম্পূৰ্ণৰূপে ধ্বংস কৰা হিংসাত্মক উগ্ৰবাদৰ চাৰি দশকজোৰা ৰাজত্বৰ কথা উল্লেখ  কৰি প্ৰধানমন্ত্ৰীয়ে ৩৫০০ৰো অধিক নিৰাপত্তাৰক্ষীৰ ত্যাগৰ প্ৰতি সন্মান জনায় আৰু গৌৰৱেৰে ঘোষণা কৰে যে নক্সালবাদক নিৰ্ণায়কভাৱে  ধ্বংস কৰা  হৈছে।  প্ৰধানমন্ত্ৰীয়ে কয় যে চাৰি দশক ধৰি নক্সালবাদে ভাৰতৰ বিশাল অঞ্চল আৰু বৃহৎ জনসংখ্যাক নিজৰ কবলত ৰাখিছিল— বন্দুকৰ গুলীৰে আধিপত্য বিস্তাৰ কৰিছিল আৰু সংবিধানক ভৰিৰে মোহাৰিছিল। সাধাৰণ নাগৰিকক সুৰক্ষা দি ৩৫০০ৰো অধিক আৰক্ষী তথা নিৰাপত্তাৰক্ষীয়ে প্ৰাণ আহুতি দিলে। এই সকলোবোৰ সাধাৰণ মানুহৰ সুৰক্ষা নিশ্চিত কৰাৰ বাবে হৈছে। নক্সালবাদে দেশখন তেজেৰে  বুৰাই পেলাইছিল। ২০১৪ চনত আপোনালোকে  যিদিনা আমাক আদেশ  দিছিল, সেইদিনা আমি দেশখনক নক্সালবাদৰ পৰা মুক্ত কৰাৰ সংকল্প লৈছিলো। আজি মই এই কথা ক’বলৈ পাই সুখী যে নক্সাল-মাওবাদী হিংসাই  এতিয়া শেষ উশাহ ল’ব পৰাৰ শক্তিও হেৰুৱাই পেলাইছে; আমি ইয়াক সম্পূৰ্ণ নিৰ্মূলৰ দিশত আগবাঢ়িছো। সেই অঞ্চল আৰু অঞ্চলবোৰতে—য’ত এসময়ত নক্সালৰ গুলী ফুটিছিল আৰু  এসময়ত তেজৰ দাগ বিয়পি পৰিছিল—এতিয়া তাত উন্নয়ন, বিশ্বাস আৰু সামূহিক প্ৰচেষ্টাৰ ত্ৰিৰংগা উৰিছে, কাৰণ সেইবোৰ নক্সালবাদৰ পৰা মুক্ত হৈছে।

এই প্ৰত্যাহ্বানক আমি তুচ্ছজ্ঞান কৰিব নালাগে; আমি ইয়াৰ বিৰুদ্ধে আৰু অধিক সজাগ হৈ থকাটো প্ৰয়োজন। বছৰ বছৰ ধৰি মাওবাদী মানসিকতাক আশ্ৰয় দিয়া ব্যক্তিসকলে ক্ষমতাৰ কৰিডৰৰ ভিতৰত  শিপাই আছিল। এই মাওবাদী মতাদৰ্শই উপদেষ্টা হিচাপে গ্ৰহণ কৰা  ভূমিকাই  নীতিসমূহক প্ৰভাৱান্বিত  কৰিছিল।অহৰহ হিংসা আৰু অৰাজকতাৰ সুযোগ বিচাৰি থকা মতাদৰ্শগত উগ্ৰপন্থীসকলে সৃষ্টি কৰা উদীয়মান, কূটনৈতিক ভাবুকিৰ বিষয়ত  আলোকপাত কৰি প্ৰধানমন্ত্ৰীয়ে কয় যে ‘মতাদৰ্শগত নক্সাল’— নক্সাল মানসিকতা থকাসকলে—এটা সুযোগৰ বাবে অপেক্ষা কৰি আছে। তেওঁলোকে হিংসা আৰু অৰাজকতাৰ পথ বিচাৰি, বিভিন্ন কৌশল প্ৰয়োগ কৰি সমাজখনক ভুল পথলৈ টানি লৈ গৈছে। আমি এই মতাদৰ্শগত নক্সালসকলক চিনাক্ত কৰি , বিচ্ছিন্ন কৰি দেশৰ যুৱক-যুৱতীসকলক এখন উন্নত ভাৰত গঢ়াৰ মূলসুঁতিলৈ আনিব লাগিব।

দ্ৰুতগতিত পৰিৱৰ্তিত বিশ্বৰ পৰিৱেশত আধুনিক যুদ্ধই জটিল ঘৰুৱা আন্তঃগাঁথনিক তীব্ৰভাৱে লক্ষ্য কৰি লোৱাত ৰাষ্ট্ৰীয় প্ৰতিৰক্ষাৰ প্ৰতি ভাবুকি অহা বুলি প্ৰধানমন্ত্ৰীয়ে মন্তব্য কৰে। প্ৰধানমন্ত্ৰীয়ে আনুষ্ঠানিকভাৱে ঘোষণা কৰে যে এক বৃহৎ, আধুনিক, স্বেচ্ছামূলক অসামৰিক প্ৰতিৰক্ষা নেটৱৰ্ক গঢ়ি তোলা  হব।  একে সময়তে তেওঁ কয় যে  আজি আমাৰ প্ৰতিৰক্ষা ৰপ্তানি প্ৰায় পঞ্চাশগুণ বৃদ্ধি পাইছে। আমাৰ অস্ত্ৰ-শস্ত্ৰ প্ৰায় ১০০খন দেশলৈ গৈ আছে। বিশ্বৰ মঞ্চত ভাৰতৰ উচ্চতা ক্ৰমাৎ বৃদ্ধি পাইছে। এই পৰিৱৰ্তিত সময়ত আমি প্ৰতিৰক্ষা ক্ষমতাৰ বিষয়ত গুৰুত্ব দিব লাগিব আৰু আমাৰ সশস্ত্ৰ বাহিনীৰ শক্তি বৃদ্ধি কৰিব লাগিব; কিন্তু আমি একেসময়তে আমাৰ নাগৰিকসকলক প্ৰস্তুত কৰিব লাগিব। এন ডি এৰ জৰিয়তে সমগ্ৰ বিমান পৰিবহণ, এছ টি ই এম আৰু সশস্ত্ৰ বাহিনীত আধুনিক দেশ নিৰ্মাণৰ ক্ষেত্ৰত মহিলাসকলৰ অবিশ্বাস্য অৱদানৰ কথা স্বীকাৰ কৰি প্ৰধানমন্ত্ৰীয়ে গ্ৰাম্য মহিলাসকলৰ ব্যাপক অৰ্থনৈতিক সবলীকৰণৰ বিষয়ত   গুৰুত্ব আৰোপ কৰে। । বহিঃদেশত  প্ৰশিক্ষণ লাভৰ  পিছত সানন্দত উন্নত মাইক্ৰ’চিপ নিৰ্মাণ কৰা আত্মবিশ্বাসী জনজাতীয় কন্যাসকলকলৈ  তেওঁ অপৰিসীম গৌৰৱ প্ৰকাশ কৰে। ৩ কোটি লাখপতি দিদিৰ সাফল্যৰে আৰ্থিকভাৱে সবল গ্ৰাম্য মহিলাৰ অভিলাষী লক্ষ্য সম্পূৰ্ণৰূপে অতিক্ৰম কৰা হৈছে বুলি তেওঁ উল্লেখ কৰে। তেওঁ অভূতপূৰ্ব আঞ্চলিক পৰিৱৰ্তনক আগুৱাই নিয়াৰ বাবে ৬ কোটি লাখপতি দিদিৰ নতুন লক্ষ্য নিৰ্ধাৰণ কৰে। শ্ৰী মোদীয়ে মন্তব্য কৰে যে, “আজি চিপ নিৰ্মাণৰ জটিল কাম কৰি থকা সেই কন্যাসকলৰ ওপৰত মই যি অবিশ্বাস্য আত্মবিশ্বাস দেখিলোঁ, সেইটোৱে মোক সঁচাকৈয়ে আপ্লুত কৰিলে।”

জনপ্ৰতিনিধি হিচাপে কাৰ্যনিৰ্বাহ কৰা মহিলাসকলে  দেখুওৱা অতি সক্ষম নেতৃত্বক প্ৰশংসা কৰি প্ৰধানমন্ত্ৰীয়ে নাৰী শক্তিৰ  উত্থানৰ বাবে স্পষ্ট আহ্বান জনায়। তেওঁ এই প্ৰসংগতে  সংসদ আৰু ৰাজ্যিক বিধানসভাত মহিলাৰ বাবে এক তৃতীয়াংশ বিধানসভাৰ সংৰক্ষণ ক্ষিপ্ৰতাৰে কাৰ্যকৰী কৰিবলৈ সকলো ৰাজনৈতিক দললৈ এক শক্তিশালী আহ্বান জনায়। শ্ৰী মোদীয়ে দৃঢ়তাৰে কয়, “সেই মহিলাসকলৰ সন্মানৰ বাবে  আগবাঢ়ি আহক, ক্ৰেডিট লওক, কিন্তু মোৰ মাতৃ আৰু ভগ্নীসকলক তেওঁলোকৰ উচিত প্ৰাপ্য দিয়ক।”

বিগত দশকত নূন্যতম সামাজিক সুৰক্ষাৰ কভাৰেজৰ  পূৰ্বৰ অৱস্থাৰ কথা উল্লেখ কৰি প্ৰধানমন্ত্ৰীয়ে কয় যে সৰ্বাংগীন কল্যাণে এতিয়া প্ৰায় ১০০ কোটি নাগৰিকক সুৰক্ষা প্ৰদান কৰিছে, যিটো ২০১৪ চনৰ পূৰ্বে মাত্ৰ ২৫ কোটি নাগৰিকক সুৰক্ষা প্ৰদান কৰিছিল ।  শ্ৰী মোদীয়ে জোৰ দি কয়, “এখন  বিকশিত ভাৰতৰ সংকল্প তেতিয়াহে সঁচা অৰ্থত পূৰণ হ’ব যেতিয়া বৃহৎ উন্নয়ন সফলতাৰে সমাজৰ  শেষ ব্যক্তিজনৰ ওচৰলৈ যাব।”

শক্তিশালী কল্যাণমূলক পদক্ষেপৰ জীৱন পৰিবৰ্তনকাৰী প্ৰভাৱৰ বিষয়ে বিতংভাৱে উল্লেখ কৰি প্ৰধানমন্ত্ৰীয়ে আয়ুষ্মান ভাৰত যোজনাৰ বিষয়ত আলোকপাত কৰে, য’ত ৭০ বছৰৰ ওপৰৰো জ্যেষ্ঠ নাগৰিকসকলক ৫ লাখ টকা পৰ্যন্ত বিনামূলীয়া চিকিৎসা কভাৰেজ সম্প্ৰসাৰণ কৰা হৈছে আৰু আনুষ্ঠানিকভাৱে দৰিদ্ৰ তথা  মধ্যবিত্ত পৰিয়ালসমূহক চিকিৎসাৰ বিলৰ নামত আদায় দিবলগীয়া আনুমানিকভাৱে ২ লাখ কোটি টকা ৰাহি কৰা হৈছে। শ্ৰী মোদীয়ে কয়  যে, “এই স্বাস্থ্য কাৰ্ডৰ বাবেই ঔষধ আৰু অপাৰেচনৰ বাবে নিৰ্ধাৰিত বৃহৎ ধন  দৰিদ্ৰ আৰু মধ্যবিত্ত পৰিয়ালসমূহে  সম্পূৰ্ণৰূপে ৰাহি কৰিব পাৰিছে।”

ভাৰতৰ প্ৰথমটো ডিজিটেল লোকপিয়ল বৰ্তমান চলি থকা বুলি উল্লেখ কৰি প্ৰধানমন্ত্ৰীয়ে পৰিয়াল আৰু যুৱক-যুৱতীসকলক মোবাইল ফোনযোগে ডিজিটেল স্ব-পঞ্জীয়নৰ  সুবিধা গ্ৰহণ কৰিবলৈ আহ্বান জনায়। তেওঁ  কয় যে সক্ৰিয় নাগৰিক অংশগ্ৰহণৰ জৰিয়তে সুৰক্ষিত কৰা ত্ৰুটিহীন জনগাঁথনিগত তথ্যই নিখুঁত উন্নয়নমূলক ব্লুপ্ৰিণ্ট আৰু ফলপ্ৰসূ ৰাষ্ট্ৰীয় নীতি ৰচনাৰ বাবে মূল স্তম্ভ  গঠন কৰে। শ্ৰী মোদীয়ে দৃঢ়তাৰে কয় যে আপোনালোকে যিমানেই নিখুঁতভাৱে সঠিক তথ্য ডিজিটেলভাৱে প্ৰদান কৰিব সিমানেই দেশখনক দ্ৰুতগতিত আগবাঢ়ি যাবলৈ অধিক  সহায় কৰা হ’ব।

যুৱসকলক সক্ৰিয়ভাৱে এই ডিজিটেল লোকপিয়ল অভিযানৰ নেতৃত্ব দিবলৈ আহ্বান জনাই প্ৰধানমন্ত্ৰীয়ে তেওঁলোকক পৰিয়ালৰ সৈতে বহিবলৈ, ভুল দূৰ কৰিবলৈ,  নিখুঁতভাৱে প্ৰ-পত্ৰ পূৰণ কৰিবলৈ আৰু ত্ৰুটিহীনভাবে তথ্যসমূহ অনলাইনত  আপলোড কৰিবলৈ পৰামৰ্শ দিয়ে। শ্ৰী মোদীয়ে  কয় যে, ‘মই মোৰ দেশৰ যুৱক-যুৱতীসকলক ডিজিটেল লোকপিয়লৰ এই গুৰুত্বপূৰ্ণ কামত সক্ৰিয়ভাবে  যোগদান কৰিবলৈ  আহ্বান জনাইছো। স্বাধীনতা দিৱসৰ ভাষণৰ সামৰণিত পঞ্চ প্ৰাণৰ কথা পুনৰাবৃত্তি কৰি প্ৰধানমন্ত্ৰীয়ে প্ৰতিজন নাগৰিকক ক্ষুদ্ৰ  স্বাৰ্থৰ উৰ্ধলৈ গৈ  জাতীয় স্বাৰ্থক স্থায়ীভাৱে উন্নীত কৰিবলৈ, ঔপনিৱেশিক মানসিকতা পৰিহাৰ  কৰিবলৈ, বৃহৎ সপোনক দ্ৰুতগতিত উন্নত দেশৰ সফলতালৈ ৰূপান্তৰিত কৰিবলৈ সামূহিকভাৱে কাম কৰাৰ  আহ্বান জনায়। শ্ৰী মোদীয়ে দৃঢ়তাৰে কয় যে, “আহক আমি প্ৰতিটো খোজক উন্নয়নৰ এক পদক্ষেপ কৰি তোলো, খোজৰ সৈতে খোজ মিলাওঁ আৰু একেলগে এখন  বিকশিত ভাৰত গঢ়ি তোলোঁ।”

Addressing the nation on Independence Day.https://t.co/Q67F6cB96x

— Narendra Modi (@narendramodi) August 15, 2026

***

MJPS/SS/PRK/DM