મુખ્ય વિષયવસ્તુ પર જાઓ
Search
મેનુ
મેનુ બંધ કરો
HOME

ન્યૂઝ અપડેટ

વિષયવસ્તુ પીઆઇબીથી આપમેળે પ્રાપ્ત થાય છે

પ્રધાનમંત્રીએ રોમમાં સંયુક્ત રાષ્ટ્રના ખાદ્ય અને કૃષિ સંગઠન (FAO) પાસેથી એગ્રિકોલા મેડલ સ્વીકાર્યો

પ્રધાનમંત્રીએ રોમમાં સંયુક્ત રાષ્ટ્રના ખાદ્ય અને કૃષિ સંગઠન (FAO) પાસેથી એગ્રિકોલા મેડલ સ્વીકાર્યો


પ્રધાનમંત્રી શ્રી નરેન્દ્ર મોદીને આજે રોમમાં ખાદ્ય અને કૃષિ સંગઠન (FAO) ના મુખ્યાલય ખાતે સંયુક્ત રાષ્ટ્રના ખાદ્ય અને કૃષિ સંગઠન (FAO) દ્વારા વર્ષ 2026 માટેના પ્રતિષ્ઠિત ‘એગ્રિકોલા મેડલ‘ થી સન્માનિત કરવામાં આવ્યા હતા. ભારતમાં અને વૈશ્વિક સ્તરે ખાદ્ય સુરક્ષા, ટકાઉ કૃષિ અને ગ્રામીણ વિકાસને સંબોધવા માટે તેમના અસાધારણ નેતૃત્વની માન્યતા રૂપે આ પુરસ્કાર એનાયત કરવામાં આવ્યો હતો.

પ્રધાનમંત્રીએ FAOના મહાનિદેશક ડૉ. ક્યુ ડોંગ્યુ પાસેથી આ પુરસ્કાર સ્વીકાર્યો હતો. તેમણે આ સન્માન ભારતના ખેડૂતો અને ભારતીય કૃષિ વૈજ્ઞાનિક સમુદાયને સમર્પિત કર્યું હતું, જેઓ ભારતીયો અને વિશ્વભરના લોકો માટે ખાદ્ય સુરક્ષા અને પોષણ સુનિશ્ચિત કરવા માટે અથાક કાર્ય કરે છે. તેમણે રેખાંકિત કર્યું કે આ માન્યતા માનવ કલ્યાણ, ખાદ્ય સુરક્ષા અને ટકાઉ વિકાસ પ્રત્યે ભારતની પ્રતિબદ્ધતાને અંજલિ સમાન છે. ભારતમાં કૃષિ જીવનની કેન્દ્રીયતા પર પ્રકાશ પાડતા, પ્રધાનમંત્રીએ ભારપૂર્વક જણાવ્યું હતું કે કૃષિ એ ધરતી માતા અને ભારતના લોકો વચ્ચેનો એક પવિત્ર સંબંધ છે.

પ્રધાનમંત્રીએ નોંધ્યું હતું કે ખેતી માટે ભારતનો વૈજ્ઞાનિક અને નવીનતા–આધારિત અભિગમ એક ટકાઉ, આબોહવા–સ્થિતિસ્થાપક (ક્લાઇમેટ–રેઝિલિયન્ટ) અને ભવિષ્ય માટે તૈયાર ઇકોસિસ્ટમને પ્રોત્સાહન આપી રહ્યો છે. આ પ્રયાસમાં, તેમણે વ્યક્ત કર્યું કે ‘પર ડ્રોપ મોર ક્રોપ’ (પ્રતિ ટીંપું વધુ પાક) જેવી પદ્ધતિઓ અને સૂક્ષ્મ–સિંચાઈ તેમજ ચોકસાઈપૂર્વકની ખેતી (પ્રિસિઝન ફાર્મિંગ) માટેનો મિશન–આધારિત અભિગમ તેની કૃષિ નીતિઓને માર્ગદર્શન આપી રહ્યા છે. ટેકનોલોજી–આધારિત ખેતીના ઉકેલો વિશે વિગતવાર જણાવતા તેમણે કહ્યું કે ડિજિટલ પબ્લિક ઇન્ફ્રાસ્ટ્રક્ચર, AI-આધારિત સલાહકાર પ્રણાલીઓ, ડ્રોન, રિમોટ–સેન્સિંગ ટેકનોલોજી અને સેન્સર–આધારિત મશીનરી ભારતીય ખેડૂતોને સમૃદ્ધ લણણી અને વધુ કૃષિ આવક મેળવવામાં મદદ કરી રહ્યા છે. તેમણે જણાવ્યું કે છેલ્લા 10 વર્ષમાં ભારતે આશરે 3,000 જેટલી આબોહવા–સ્થિતિસ્થાપક પાકની જાતો વિકસાવી છે. પ્રધાનમંત્રીએ નોંધ્યું હતું કે ભારતની વિજ્ઞાન–આધારિત કૃષિ વૈશ્વિક ખાદ્ય સુરક્ષાને મજબૂત કરી રહી છે, ખાસ કરીને ગ્લોબલ સાઉથ (વૈશ્વિક દક્ષિણ) ના દેશો માટે.

પ્રધાનમંત્રીએ યાદ કર્યું કે FAOના સ્થાપક સભ્ય તરીકે, ભારત વૈશ્વિક ખાદ્ય સુરક્ષા, ટકાઉ કૃષિ અને ભૂખમરા મુક્ત વિશ્વને પ્રોત્સાહન આપવા માટે આ સંગઠન સાથે કામ કરવાનું ગૌરવ ધરાવે છે. તેમણે ઇન્ટરનેશનલ યર ઓફ મિલેટ્સ (આંતરરાષ્ટ્રીય શ્રી અન્ન વર્ષ)ની ઉજવણી દ્વારા તંદુરસ્ત ખાદ્ય પસંદગીઓને પ્રોત્સાહન આપવા માટે ભારત સાથે કામ કરવા બદલ FAOનો આભાર માન્યો હતો.

પ્રધાનમંત્રી મોદીની FAO મુખ્યાલયની મુલાકાત છેલ્લા 30 વર્ષમાં કોઈ ભારતીય સરકારના વડા દ્વારા લેવાયેલી પ્રથમ મુલાકાત હતી.

IJ/DK/GP

સોશિયલ મીડિયા પર અમને ફોલો કરો :  PM India@PIBAhmedabad   Image result for facebook icon /pibahmedabad1964   PM India /pibahmedabad  PM Indiapibahmedabad1964@gmail.com [ PM India 0KB ]

લોકપ્રિય સમાચાર

પ્રધાનમંત્રીએ 11 વર્ષના સમાવેશી વિકાસ અને રાષ્ટ્રીય સશક્તિકરણ પર પ્રકાશ પાડતો લેખ શેર કર્યો 11 Jun, 2025
મહાકુંભનું સમાપન થયું છે, ‘એકતાના મહાયજ્ઞ’નું સમાપન થયું છે; પ્રયાગરાજમાં એકતાના આ ભવ્ય મેળાવડાના સમગ્ર 45 દિવસ દરમિયાન, 140 કરોડ નાગરિકોની શ્રદ્ધા એક જ સમયે આ એક ઉત્સવમાં એકઠી થઈ, જે ખરેખર અભિભૂત કરનારું છે! : પ્રધાનમંત્રી 27 Feb, 2025
પ્રધાનમંત્રીએ 2025ના તમામ પદ્મ પુરસ્કાર વિજેતાઓને અભિનંદન પાઠવ્યા 25 Jan, 2025
સ્વામિત્વ યોજના હેઠળ પ્રોપર્ટી કાર્ડના વિતરણ દરમિયાન પ્રધાનમંત્રીના લાભાર્થીઓ સાથેના વાર્તાલાપ અને સંબોધનનો મૂળપાઠ 18 Jan, 2025
પ્રધાનમંત્રીએ સુપ્રસિદ્ધ ગાયક મોહમ્મદ રફીને તેમની 100મી જન્મજયંતી પર યાદ કર્યા 24 Dec, 2024

તાજા સમાચાર

તેલંગાણાના રાજ્યપાલ શ્રી શિવ પ્રતાપ શુક્લાએ પ્રધાનમંત્રી સાથે મુલાકાત કરી 26 Oct, 2026
પ્રધાનમંત્રીએ નવી દિલ્હીમાં 12મી BRICS પાર્લામેન્ટરી ફોરમ દરમિયાન BRICS દેશોના સાંસદો સાથે સંવાદ કર્યો 26 Oct, 2026
પ્રધાનમંત્રી 27 ઓક્ટોબરે ઇમર્જિંગ સાયન્સ, ટેકનોલોજી અને ઇનોવેશન કોન્કલેવ 2026 નું ઉદ્ઘાટન કરશે 26 Oct, 2026
પ્રધાનમંત્રીએ રમતગમત, ટેકનોલોજી અને વન્યજીવ સંરક્ષણ ક્ષેત્રે ભારતની પ્રગતિ પર પ્રકાશ પાડતો ઈંગ્લેન્ડ ક્રિકેટ ટીમના ભૂતપૂર્વ કેપ્ટન શ્રી કેવિન પીટરસનનો લેખ શેર કર્યો  26 Oct, 2026
પ્રધાનમંત્રીએ નીતિ આયોગના સભ્ય અને ભૂતપૂર્વ કેબિનેટ સચિવ શ્રી રાજીવ ગૌબાનો એક લેખ શેર કર્યો, જેમાં પ્રધાનમંત્રી મોદીના 25 વર્ષના જાહેર કાર્યકાળ દરમિયાન માળખાગત આયોજન અને અમલીકરણમાં કેવી રીતે ફેરફાર થયો છે તે અંગે જણાવાયું છે 26 Oct, 2026