મુખ્ય વિષયવસ્તુ પર જાઓ
Search
મેનુ
મેનુ બંધ કરો
મુખ્ય પૃષ્ઠ

પીએમઇન્ડિયાપીએમઇન્ડિયા

ન્યૂઝ અપડેટ

વિષયવસ્તુ પીઆઇબીથી આપમેળે પ્રાપ્ત થાય છે

પ્રધાનમંત્રીએ સોમનાથ સ્વાભિમાન પર્વની ઝલક શેર કરી


પ્રધાનમંત્રી શ્રી નરેન્દ્ર મોદીએ આજે ગુજરાતના સોમનાથમાં સોમનાથ સ્વાભિમાન પર્વની ઝલક શેર કરી હતી.

X પર અલગ-અલગ પોસ્ટમાં, શ્રી મોદીએ લખ્યું:

“સોમનાથ શાશ્વત દિવ્યતાના પ્રકાશસ્તંભ તરીકે ઉભું છે. તેની પવિત્ર ઉપસ્થિતિ પેઢી દર પેઢી લોકોને માર્ગદર્શન આપતી રહે છે. અહીં ગઈકાલના કાર્યક્રમોની હાઇલાઇટ્સ છે, જેમાં ઓમકાર મંત્રનો જાપ અને ડ્રોન શોનો સમાવેશ થાય છે. #SomnathSwabhimanParv”

 

“પાવન અને દિવ્ય સોમનાથ ધામમાં દર્શન-પૂજનનું સૌભાગ્ય મળ્યું. આ અનુભવ મનને શાંતિ અને હકારાત્મક ઊર્જાથી ભરી દેનારો રહ્યો. ભગવાન સોમનાથની કૃપા તમામ દેશવાસીઓ પર સદા બની રહે, એવી જ કામના છે.”

 

“સોમનાથમાં, બહાદુર વીર હમીરજી ગોહિલને શ્રદ્ધાંજલિ અર્પણ કરી. તેઓ બર્બરતા અને હિંસાની સામે હિંમત અને દ્રઢ નિશ્ચયના પ્રતીક તરીકે અડીખમ ઉભા છે. તેમની બહાદુરી આપણી સભ્યતાની સ્મૃતિમાં અનંતકાળ સુધી અંકિત રહેશે. તેમની હિંમતમાં એ લોકો માટે કાલાતીત જવાબ રહેલો છે જેઓ માનતા હતા કે પશુબળ આપણી સભ્યતાને કચડી શકે છે.”

 

“આજે આપણે જે સોમનાથ મંદિર જોઈએ છીએ તે વાસ્તવિકતા ન હોત જો મહાન સરદાર પટેલ ન હોત. 1947 માં દિવાળીના સમયની મુલાકાતે તેમને એટલા હદે પ્રભાવિત કર્યા કે તેમણે ત્યાં ભવ્ય મંદિરના પુનઃનિર્માણનો સંકલ્પ લીધો. જ્યારે મે 1951 માં મંદિરના દ્વાર ખુલ્યા ત્યારે સરદાર સાહેબ ત્યાં નહોતા, પરંતુ તેમની અદમ્ય ઈચ્છાશક્તિ અને વિઝન આ દિવ્ય મંદિર સંકુલમાં પ્રતિબિંબિત થાય છે.”

 

“વેગડાજી ભીલની હિંમત સોમનાથના ઇતિહાસનો એક અવિભાજ્ય હિસ્સો છે. અમાનવીય હિંસાની ધમકીઓથી ડરવાની ના પાડીને, તેઓ પવિત્ર મંદિરના રક્ષણમાં અડગ ઉભા રહ્યા. તેમનું જીવન આપણને બતાવે છે કે સોમનાથની તાકાત હંમેશા ભારત માતાના અસંખ્ય બાળકોના સંકલ્પમાંથી મળી છે જેમણે આ પ્રતિષ્ઠિત મંદિરનું રક્ષણ કરવાનું ચાલુ રાખ્યું.”

 

“સોમનાથ સ્વાભિમાન પર્વની શૌર્ય યાત્રામાં સામેલ થઈને અત્યંત ગૌરવાન્વિત છું. આ પ્રસંગે મંદિરની રક્ષામાં પોતાના પ્રાણોની આહુતિ આપનારી માં ભારતીની અસંખ્ય વીર સંતાનોને શ્રદ્ધાંજલિ અર્પણ કરવાનું સૌભાગ્ય પ્રાપ્ત થયું. તેમનો અદમ્ય સાહસ અને પરાક્રમ દેશવાસીઓને હંમેશા પ્રેરણા આપતું રહેશે.”

 

“સોમનાથમાં વીર હમીરજી ગોહિલને શ્રદ્ધાંજલિ અર્પણ કરી. તેઓ બર્બરતા અને હિંસાના દોરમાં સાહસ અને દ્રઢ સંકલ્પના પ્રતીક બનીને ઉભા રહ્યા. તેમની વીરતા દેશવાસીઓની સ્મૃતિમાં યુગો-યુગો સુધી અંકિત રહેશે. તેમનું સાહસ અને પરાક્રમ બતાવે છે કે ભારતવર્ષની સંકૃતિને કોઈપણ પ્રકારના બળ પ્રયોગથી નબળી કરી શકાતી નથી.”

 

“દેશ પાસે સરદાર પટેલ જેવી મહાન વિભૂતિ ન હોત તો સોમનાથ મંદિરને આજે આ સ્વરૂપમાં આપણે ન જોઈ શક્યા હોત. 1947 માં દીપાવલી દરમિયાન અહીંની યાત્રાએ તેમને એટલા ભાવવિભોર કરી દીધા કે તેમણે એક ભવ્ય મંદિરના પુનઃનિર્માણનો સંકલ્પ લઈ લીધો. મે 1951 માં જ્યારે મંદિરના દ્વાર શ્રદ્ધાળુઓ માટે ખુલ્યા, ત્યારે સરદાર સાહેબ ભલે આપણી વચ્ચે નહોતા, પરંતુ તેમની અદમ્ય ઈચ્છાશક્તિ અને દૂરદ્રષ્ટિ આ દિવ્ય મંદિર પરિસરમાં સ્પષ્ટપણે દેખાઈ રહી હતી.”

 

“વેગડાજી ભીલ જીનો પરાક્રમ સોમનાથના ઇતિહાસનો એક અભિન્ન હિસ્સો છે. હિંસાની ધમકીઓથી વિચલિત થયા વિના તેઓ આ પવિત્ર મંદિરની રક્ષામાં દ્રઢતાથી ડટેલા રહ્યા. તેમનું જીવન આપણને એ શીખવે છે કે સોમનાથની રક્ષા માટે માં ભારતીની સંતાનોનો સંકલ્પ કેટલો સશક્ત રહ્યો છે.”

 

“સોમનાથના પાવન ધામમાં જે પ્રકારે આપણી માતૃશક્તિએ સહભાગિતા કરી, તે અભિભૂત કરનારું છે. સોમનાથની ભવ્યતા, દિવ્યતા અને અખંડિતતામાં તેમણે હંમેશા મોટી ભૂમિકા ભજવી છે.”

“#SomnathSwabhimanParv એ આસ્થા અને ધૈર્ય વિશે છે. સોમનાથ અસંખ્ય બલિદાનોની સ્મૃતિ ધરાવે છે, જે આપણને પ્રેરણા આપવાનું ચાલુ રાખે છે. તે દિવ્યતા અને સભ્યતાની મહાનતા વિશે પણ તેટલું જ છે. અહીં આજની હાઇલાઇટ્સ છે…”

 

“સોમનાથ સ્વાભિમાન પર્વ પર હું તે તમામ વીર-વીરાંગનાઓને નમન કરું છું, જેમણે સોમનાથની રક્ષા અને મંદિરના પુનઃનિર્માણને પોતાના જીવનનું ધ્યેય બનાવ્યું. તેમણે આ લક્ષ્યને પૂરું કરવા માટે પોતાનું બધું જ મહાદેવને અર્પણ કરી દીધું. #SomnathSwabhimanParv”

 

“વિદેશી આક્રમણખોરો દ્વારા ઘણી સદીઓ સુધી ભારતને ખતમ કરવાના સતત પ્રયાસો થતા રહ્યા. પરંતુ ના સોમનાથ નષ્ટ થયું, ના ભારત! #SomnathSwabhimanParv”

 

“સોમનાથ સ્વાભિમાન પર્વ ઇતિહાસના ગૌરવનું પર્વ તો છે જ, તે એક કાલાતીત યાત્રાને ભવિષ્ય માટે જીવંત બનાવવાનું માધ્યમ પણ છે. આપણે આ અવસરનો ઉપયોગ પોતાના અસ્તિત્વ અને ઓળખને સશક્ત કરવા માટે કરવાનો છે. #SomnathSwabhimanParv”

 

“ભારતે દુનિયાને એ શીખવ્યું કે કેવી રીતે દિલ જીતીને જીવી શકાય છે. સોમનાથની હજાર વર્ષોની ગાથા આખી માનવતાને આ જ શીખ આપી રહી છે. #SomnathSwabhiman

 

SM/IJ/GP/JD

લોકપ્રિય સમાચાર

પ્રધાનમંત્રી અને મહામહિમ રાજા અબ્દુલ્લા દ્વિતીયએ ભારત-જોર્ડન બિઝનેસ ફોરમને સંબોધન કર્યું 16 Dec, 2025
પ્રધાનમંત્રી શ્રી નરેન્દ્ર મોદી તમિલનાડુના કોઈમ્બતુરમાં સાઉથ ઈન્ડિયા નેચરલ ફાર્મિંગ સમિટ 2025માં ખેડૂતો સાથે વાર્તાલાપ કર્યો 20 Nov, 2025
પ્રધાનમંત્રીએ એશિયન તીરંદાજી ચેમ્પિયનશિપ 2025માં ભારતીય તીરંદાજી ટીમને તેમના શ્રેષ્ઠ પ્રદર્શન બદલ અભિનંદન પાઠવ્યા 17 Nov, 2025
પ્રધાનમંત્રી શ્રી નરેન્દ્ર મોદીએ સુરત, ગુજરાત ખાતે ભારતની હાઇ-સ્પીડ બુલેટ ટ્રેન ગતિની સમીક્ષા કરી 16 Nov, 2025
પ્રધાનમંત્રીએ LNJP હોસ્પિટલની મુલાકાત લીધી, વિસ્ફોટના પીડિતોને મળ્યા 12 Nov, 2025

તાજા સમાચાર

પ્રધાનમંત્રીએ સોમનાથ સ્વાભિમાન પર્વની ઝલક શેર કરી 11 Jan, 2026
પ્રધાનમંત્રીએ અમદાવાદ મેટ્રોના ફેઝ 2 ના ઉદ્ઘાટનની ઝલક શેર કરી 11 Jan, 2026
પ્રધાનમંત્રીએ રાજકોટમાં કચ્છ અને સૌરાષ્ટ્ર માટેની વાઇબ્રન્ટ ગુજરાત રિજનલ કોન્ફરન્સમાં પોતાની સહભાગિતાની ઝલક શેર કરી 11 Jan, 2026
કચ્છ અને સૌરાષ્ટ્ર ક્ષેત્ર માટે વાઈબ્રન્ટ ગુજરાત રિજનલ કોન્ફરન્સ દરમિયાન પ્રધાનમંત્રીના સંબોધનનો મૂળપાઠ 11 Jan, 2026
પ્રધાનમંત્રી શ્રી નરેન્દ્ર મોદીએ રાજકોટમાં કચ્છ અને સૌરાષ્ટ્ર ક્ષેત્ર માટે વાઇબ્રન્ટ ગુજરાત રિજનલ કોન્ફરન્સનું ઉદઘાટન કર્યું 11 Jan, 2026