પીએમઇન્ડિયા

પ્રધાનમંત્રી શ્રી નરેન્દ્ર મોદીએ 18 ફેબ્રુઆરી 2026 ના રોજ નવી દિલ્હીમાં AI ઇમ્પેક્ટ સમિટના સાથે સાથે ફિનલેન્ડ ગણરાજ્યના પ્રધાનમંત્રી મહામહિમ શ્રી પેટ્ટેરી ઓર્પો સાથે મુલાકાત કરી.

બંને નેતાઓએ 16મી ભારત–EU સમિટ દરમિયાન ભારત–EU મુક્ત વ્યાપાર કરારના તાજેતરના નિષ્કર્ષને આવકાર્યો હતો, જે સહિયારી પ્રગતિ અને સમૃદ્ધિ માટે ઉત્પ્રેરક તરીકે કામ કરશે. તેઓ ભારત–EU વ્યૂહાત્મક ભાગીદારીની ભાવનામાં દ્વિપક્ષીય સંબંધોને વધુ વધારવા માટે પ્રયત્નો ચાલુ રાખવા માટે પ્રતિબદ્ધ છે.

નેતાઓએ ભવિષ્યની આર્થિક વૃદ્ધિ અને વિકાસને આગળ ધપાવવામાં ડિજિટલાઇઝેશન અને ટકાઉપણાની મુખ્ય ભૂમિકા પર ભાર મૂક્યો હતો. આ સંદર્ભમાં, તેઓએ વિસ્તૃત કામગીરી અને ભાગીદારી દ્વારા એકબીજાના અર્થતંત્રોમાં તેમની અગ્રણી ટેકનોલોજી કંપનીઓની વધતી જતી હાજરીને ઓળખી અને આવકારી હતી. ફિનલેન્ડના પ્રધાનમંત્રીએ ન્યાયી અને સર્વસમાવેશક AI વિકાસ માટેના ભારતના વિઝનને બિરદાવ્યું હતું.

નેતાઓએ દ્વિપક્ષીય વ્યાપાર બમણો કરવા અને ક્વોન્ટમ અને 6G, રિન્યુએબલ્સ (નવીનીકરણીય સ્ત્રોતો), સર્ક્યુલર ઇકોનોમી અને સંરક્ષણના સહ–વિકાસ સહિત વધુ ટેકનોલોજી સહયોગ માટે આહ્વાન કર્યું હતું.

તેઓએ પ્રાદેશિક અને વૈશ્વિક વિકાસ અને વૈશ્વિક શાસનમાં વધુ સહકાર પર પણ વિચારોનું આદાનપ્રદાન કર્યું હતું.

નેતાઓ આ વર્ષના અંતમાં યોજાનારી ત્રીજી ભારત–નોર્ડિક સમિટમાં ફરીથી મળવા સહિત દ્વિપક્ષીય જોડાણને વધારવા માટે આતુર હતા.

SM/DK/GP/JD