ഗതാഗത, ലോജിസ്റ്റിക്സ് മേഖലകളിലെ ഗവേഷണം, ആസൂത്രണം, അവലോകനം, നിരീക്ഷണം, ആഘാത പഠനം എന്നിവ ശക്തിപ്പെടുത്തുന്നതിനായി ഇന്റഗ്രേറ്റഡ് ട്രാൻസ്പോർട്ട് ആൻഡ് ലോജിസ്റ്റിക്സ് അതോറിറ്റി എന്ന പേരിൽ ഒരു പ്രത്യേക ഭരണസമിതി രൂപീകരിക്കുന്നതിന് പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭാ യോഗം ഇന്ന് അംഗീകാരം നൽകി.
ഗതാഗതവുമായി ബന്ധപ്പെട്ട വിവിധ മന്ത്രാലയങ്ങളിലും ഏജൻസികളിലുമായി ചിതറിക്കിടക്കുന്ന ആസൂത്രണവും നടപ്പാക്കലും മൂലമുണ്ടാകുന്ന ദീർഘകാല വെല്ലുവിളികൾ പരിഹരിക്കാൻ ഈ അനുമതി ലക്ഷ്യമിടുന്നു. കൂടുതൽ ഏകോപനവും മൾട്ടി-മോഡൽ സംയോജനവും വളർത്തിയെടുക്കുന്നതിലൂടെ ഇന്ത്യയിലെ ഗതാഗത അടിസ്ഥാന സൗകര്യ വികസനത്തിന്റെ കാര്യക്ഷമത, സുസ്ഥിരത, ഫലപ്രാപ്തി എന്നിവ വർധിപ്പിക്കാൻ ഈ അതോറിറ്റി സഹായിക്കുമെന്ന് പ്രതീക്ഷിക്കുന്നു.
ITLA-യ്ക്ക് താഴെപ്പറയുന്ന പ്രധാന ചുമതലകളും ഉത്തരവാദിത്തങ്ങളും ഉണ്ടായിരിക്കും:
മൾട്ടിമോഡൽ കണക്റ്റിവിറ്റി ശക്തിപ്പെടുത്തുന്നതിലൂടെയും അടിസ്ഥാന സൗകര്യങ്ങളുടെ കാര്യക്ഷമത മെച്ചപ്പെടുത്തുന്നതിലൂടെയും ലോജിസ്റ്റിക്സ് ചെലവുകൾ കുറയ്ക്കുന്നതിലൂടെയും ഇന്ത്യയുടെ ആഗോള ലോജിസ്റ്റിക്സ് മത്സരശേഷി വർധിപ്പിക്കുന്നതിലൂടെയും ഇന്ത്യയുടെ വിഷൻ 2047 യാഥാർത്ഥ്യമാക്കുന്നതിൽ ITLA-യുടെ രൂപീകരണം നിർണായക പങ്കുവഹിക്കും. ഗവേഷണം, ആസൂത്രണം, ബിഗ് ഡാറ്റാ സംയോജനം, പദ്ധതി നിരീക്ഷണം, മൂല്യനിർണയം എന്നിവയ്ക്കുള്ള സ്ഥാപനപരമായ ശേഷി ITLA വികസിപ്പിക്കും. ഒപ്പം ശേഷി വർധനവിനെയും അന്താരാഷ്ട്രതലത്തിലെ മികച്ച മാതൃകകൾ സ്വീകരിക്കുന്നതിനെയും പിന്തുണയ്ക്കുകയും ചെയ്യും.
***
NK
The Cabinet has approved the setting up of the Integrated Transport & Logistics Authority (ITLA) to bring greater coordination, data-led planning and multimodal integration across India’s transport ecosystem. This will have a wide-ranging impact on our growth trajectory. https://t.co/6jvuQD8k9g
— Narendra Modi (@narendramodi) October 6, 2026