പിഎം ഇന്ത്യ

9/11 ഭീകരാക്രമണത്തിന്റെ 25-ാം വാർഷികത്തിൽ പ്രധാനമന്ത്രി ശ്രീ നരേന്ദ്ര മോദി ഇരകളെ അനുസ്മരിക്കുകയും ആദരിക്കുകയും ജീവിതം എന്നെന്നേക്കുമായി മാറിപ്പോയ കുടുംബങ്ങളോട് ഐക്യദാർഢ്യം പ്രകടിപ്പിക്കുകയും ചെയ്തു.

ഭീകരവാദം ലോകമെമ്പാടുമുള്ള നിരവധി ജീവനുകൾ കവർന്നെടുത്തുവെന്ന് പറഞ്ഞ ശ്രീ മോദി, അതിർത്തി കടന്നുള്ള ഭീകരവാദത്തിന്റെ ഇര എന്ന നിലയിൽ പതിറ്റാണ്ടുകളായി ഭീകരവാദത്തിനെതിരായ പോരാട്ടത്തിൽ ഇന്ത്യ മുൻപന്തിയിലുണ്ടെന്ന് ചൂണ്ടിക്കാട്ടി.

ഭീകരവാദ ഭീഷണി പുതിയ രൂപങ്ങളിൽ ഉയർന്നുവരുമ്പോഴും അതിന്റെ എല്ലാ രൂപങ്ങളോടും ആവിഷ്കാരങ്ങളോടുമുള്ള ഇന്ത്യയുടെ എതിർപ്പും നിശ്ചയദാർഢ്യവും മാറ്റമില്ലാതെ തുടരുമെന്ന് അദ്ദേഹം കൂട്ടിച്ചേർത്തു. ഈ മഹാവിപത്തിനെതിരെ പോരാടാനുള്ള എല്ലാ ശ്രമങ്ങൾക്കും അദ്ദേഹം ഐക്യദാർഢ്യം പ്രകടിപ്പിച്ചു.

2014-ൽ 9/11 മെമ്മോറിയൽ & മ്യൂസിയം സന്ദർശിച്ചതിന്റെ ദൃശ്യങ്ങളും പ്രധാനമന്ത്രി പങ്കുവെച്ചു.

X-ലെ ഒരു പോസ്റ്റിൽ ശ്രീ മോദി പറഞ്ഞു;

“ദാരുണമായ 9/11 ആക്രമണം നടന്ന് 25 വർഷങ്ങൾ പിന്നിടുമ്പോൾ അതിൻ്റെ ഇരകളെ നാം അനുസ്മരിക്കുകയും ആദരിക്കുകയും ചെയ്യുന്നു, കൂടാതെ ജീവിതം എന്നെന്നേക്കുമായി മാറിപ്പോയ കുടുംബങ്ങളോട് ഐക്യദാർഢ്യം പ്രകടിപ്പിക്കുകയും ചെയ്യുന്നു.

ലോകമെമ്പാടുമുള്ള നിരവധി ജീവനുകൾ ഭീകരവാദം കവർന്നെടുത്തു. അതിർത്തി കടന്നുള്ള ഭീകരവാദത്തിന്റെ ഇര എന്ന നിലയിൽ പതിറ്റാണ്ടുകളായി ഈ പോരാട്ടത്തിൽ ഇന്ത്യ മുൻപന്തിയിലുണ്ട്.

ഭീഷണി ഉയർന്നുക്കൊണ്ടിരിക്കുമ്പോഴും ഭീകരവാദത്തിന്റെ എല്ലാ രൂപങ്ങളോടും ആവിഷ്കാരങ്ങളോടുമുള്ള നമ്മുടെ എതിർപ്പും നിശ്ചയദാർഢ്യവും മാറ്റമില്ലാതെ തുടരുന്നു. ഈ മഹാവിപത്തിനെതിരെ പോരാടാനുള്ള എല്ലാ ശ്രമങ്ങൾക്കും നാം ഐക്യദാർഢ്യം പ്രകടിപ്പിക്കുന്നു.

2014-ൽ ഞാൻ 9/11 മെമ്മോറിയൽ & മ്യൂസിയം സന്ദർശിച്ച വേളയിലെ ചില ദൃശ്യങ്ങൾ ഇതാ.”

25 years on from the horrific 9/11 attacks, we remember and honour the victims and stand in solidarity with the families whose lives were forever changed.

Terrorism has claimed countless lives around the world. As a victim of cross-border terrorism, India has been at the forefront of this fight for several decades.

While the threat keeps evolving, our resolve and opposition to terrorism in all its forms and manifestations remain unwavering. We stand in solidarity with all efforts to combat this scourge.

Here are glimpses from my visit to the 9/11 Memorial & Museum in 2014.

— Narendra Modi (@narendramodi) September 11, 2026

***

SK