पीएम्इंडिया

नवी दिल्ली, 15 जानेवारी 2026

पोंगलच्या पवित्र सणानिमित्त पंतप्रधान नरेंद्र मोदी यांनी काशी तमिळ संगममच्या लक्षणीय विस्ताराचा आढावा घेतला. हा उपक्रम सांस्कृतिक आदान-प्रदानासाठी एक प्रभावी व्यासपीठ म्हणून उदयास आला असून, विविध परंपरा, भाषा आणि समुदायांना एकत्र आणून भारताच्या विविधतेतील एकता या भावनेला बळकटी देत असल्याचे त्यांनी अधोरेखित केले.

सोमनाथ स्वाभिमान पर्वच्या निमित्ताने सोमनाथ येथे दिलेल्या अलीकडील भेटीदरम्यान पंतप्रधानांनी नागरिकांशी संवाद साधला. या संवादात नागरिकांनी काशी तमिळ संगमम आणि सौराष्ट्र तमिळ संगमम यांसारख्या उपक्रमांचे कौतुक केले.

एक्स या सामाजिक माध्यमावरील संदेशात पंतप्रधान म्हणाले की,

सोमनाथ स्वाभिमान पर्वच्या निमित्ताने सोमनाथ येथे दिलेल्या माझ्या अलीकडील भेटीदरम्यान काशी तमिळ संगमम आणि सौराष्ट्र तमिळ संगमम यांसारख्या उपक्रमांबाबत समाधान व्यक्त करणाऱ्या नागरिकांशी माझी भेट झाली. आज पोंगलच्या विशेष सणानिमित्त काशी तमिळ संगममच्या विस्ताराबाबत तसेच एक भारत श्रेष्ठ भारतची भावना अधिक सखोल कशी होत आहे, याविषयी मी माझे विचार व्यक्त केले.

During my recent visit to Somnath during #SomnathSwabhimanParv, I met people who were appreciative of efforts such as the Kashi Tamil Sangamam and Saurashtra Tamil Sangamam. Today, on the special occasion of Pongal, shared my thoughts on the growth of the Kashi Tamil Sangamam and…

— Narendra Modi (@narendramodi) January 15, 2026

अंबादास यादव /राज दळेकर/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai