పిఎంఇండియా

యూత్ ఎక్స్ ఛేంజ్ ప్రోగ్రాముల నిర్వహణపై బహ్రెయిన్, కువైట్, నేపాల్, దక్షిణ కొరియా, శ్రీలంక, వియత్నామ్, మరియు బి ఆర్ ఐ సి ఎస్ దేశాలతో అవగాహనపూర్వక ఒప్పందాలు (ఎమ్ ఒ యు లు) కుదుర్చుకొన్న సంగతిని మంత్రిమండలి దృష్టికి తీసుకువచ్చారు. ఈ రోజు జరిగిన కేంద్ర మంత్రివర్గ సమావేశానికి ప్రధాన మంత్రి శ్రీ నరేంద్ర మోదీ అధ్యక్షత వహించారు.

ఇంటర్ నేషనల్ యూత్ ఎక్స్ ఛేంజ్ ప్రోగ్రాములు వేరు వేరు దేశాలకు చెందిన యువతీయువకులలో ఆలోచనల, విలువల పరస్పర మార్పిడిని ప్రోత్సహించడానికి ఉద్దేశించినవి. ఈ కార్యక్రమాలు యువజనులలో అంతర్జాతీయ దృష్టికోణాన్ని పెంపొందింపచేయడంలోనూ తోడ్పడుతాయి. అంతే కాకుండా, ఒక దేశానికి, మరొక దేశపు ప్రజలకు సంబంధాలను నెలకొల్పడం ద్వారా దేశాల మధ్య శాంతిని, గ్రహణ శక్తిని ఈ కార్యక్రమాలు వర్ధిల్లజేయగలుగుతాయి. ఆయా దేశాల మధ్య స్నేహ సంబంధాలను సైతం పటిష్టపరచగలుగుతాయి.