పిఎంఇండియా

సెక్యూరిటీస్ అండ్ ఎక్స్ ఛేంజ్ బోర్డ్ ఆఫ్ ఇండియా (ఎస్ ఇ బి ఐ) కి, అబు ధాబి కి చెందిన ఫైనాన్షియల్ సర్వీసెస్ రెగ్యులేటరీ అథారిటీ (ఎఫ్ ఎస్ ఆర్ ఎ) కు మధ్య పరస్పర సహకారం మరియు సాంకేతిక సహాయం కోసం ఉద్దేశించిన ఒక అవగాహనపూర్వక ఒప్పందం (ఎమ్ ఒ యు) పై సంతకాలు చేసే ప్రతిపాదనకు కేంద్ర మంత్రిమండలి ఆమోదముద్ర వేసింది. కేంద్ర మంత్రివ‌ర్గ స‌మావేశానికి ప్ర‌ధాన మంత్రి శ్రీ న‌రేంద్ర మోదీ అధ్య‌క్ష‌త వ‌హించారు.

ఈ ఎమ్ ఒ యు ఉభయ సంతకందారుల మధ్య ఆర్థిక సంబంధాలను, సహకారాన్ని మరింతగా పెంపొందించగలదు. రెండు దేశాల సెక్యూరిటీస్ మార్కెట్ లు వికాసం చెందేందుకు తగిన వాతావరణాన్ని ఏర్పరచడంలోనూ దోహదపడగలదు. ఈ రెండు నియంత్రణ సంస్థలూ సమాచారాన్ని పరస్పరం పంచుకొనే ప్రక్రియను పటిష్టపరచడంలో కూడా ఎమ్ ఒ యు తన వంతు భూమికను పోషిస్తుంది.