పిఎంఇండియా

గుజరాత్‌లోని హజీరాలో ఏర్పాటు చేసిన ప్రదర్శనను ప్రధానమంత్రి శ్రీ నరేంద్ర మోదీ ఈ రోజు సందర్శించారు. ‘భారత్‌లో తయారీ’ కార్యక్రమం కింద రక్షణ రంగంలో దేశం సాధిస్తున్న అభివృద్ధి, పెరుగుతున్న సామర్థ్యాలను ఆయన ఈ సందర్భంగా పరిశీలించారు.

రక్షణ రంగంలో స్వదేశీకరణ, ఆత్మనిర్భరతను పెంపొందించడానికి జరుగుతున్న లక్ష్యబద్ధమైన ప్రయత్నాలకు ఈ ప్రదర్శన ఒక అద్భుతమైన ఉదాహరణగా నిలుస్తుందని ప్రధానమంత్రి పేర్కొన్నారు.

సామాజిక మాధ్యమం ‘ఎక్స్‌’లో ప్రధాని ఈ విధంగా పేర్కొన్నారు:

“గుజరాత్‌లోని హజీరాలో ఏర్పాటు చేసిన ప్రదర్శనకు హాజరయ్యే అవకాశం లభించింది. ‘భారత్‌లో తయారీ’ కార్యక్రమం కింద రక్షణ రంగంలో మన దేశం సాధిస్తున్న అద్భుతమైన సామర్థ్యాలను నేను ఇక్కడ స్వయంగా వీక్షించాను. రక్షణ రంగంలో స్వదేశీకరణను పెంపొందించడానికి మనం చేస్తున్న కృషికి ఈ ప్రదర్శన ఒక అద్భుతమైన ఉదాహరణ.”