పిఎంఇండియా

భారత రాజ్యాంగం సంథాలీ భాష ప్రతిని రాష్ట్రపతి శ్రీమతి ద్రౌపది ముర్ము ఆవిష్కరించడంపై ప్రధానమంత్రి శ్రీ నరేంద్ర మోదీ హర్షం వ్యక్తం చేశారు. రాజ్యాంగంపై అవగాహనకు, ప్రజాస్వామ్యంలో  జన భాగస్వామ్యం ఇనుమడించేందుకు ఇది తోడ్పడుతుందని ఆయన పేర్కొన్నారు. ఈ మేరకు “సంథాలీ సంస్కృతి, దేశ పురోగమనంలో ఆ తెగ ప్రజల పాత్రపై దేశం ఎంతో గర్విస్తోంది” అని శ్రీ మోదీ వ్యాఖ్యానించారు.

ఈ మేరకు సామాజిక మాధ్యమం ‘ఎక్స్‌’ ద్వారా పంపిన సందేశంలో:

“ఇదొక ప్రశంసనీయమైన ప్రయత్నం! సంథాలీ భాషలో రాజ్యాంగం ఆవిష్కృతం కావడం మన రాజ్యాంగంపై  అవగాహనను, ప్రజాస్వామ్యంలో జన భాగస్వామ్యాన్ని పెంపొందించేందుకు తోడ్పడుతుంది. సంథాలీ సంస్కృతి, దేశ ప్రగతిలో ఆ తెగ ప్రజల పాత్రపై దేశం ఎంతగానో గర్విస్తోంది” అని ప్రధానమంత్రి పేర్కొన్నారు.